冬蔭NOODLE (已結業)

喺尖沙咀比呢間餐廳嘅店名吸引，所以決定入去食。雖然叫冬蔭noodle，但呢度嘅menu除咗麵食仲有好多選擇。玫瑰泰式奶茶係打卡嘅好選擇。嫰粉紅色嘅飲品上面仲有層奶泡，灑上玫瑰花瓣，少女心十足。不過比較起嚟都係普通泰奶比較香奶味。人多嘅話可以點呢個小食拼盤，有足料春卷、單骨雞翼、蝦餅同魚餅。呢度嘅蝦餅魚餅都比較厚，所以食落更彈牙更滿足，特別係魚餅，香茅、芫荽味較重，貼近地道泰國口味。菠蘿炒飯炒得夠乾身，食落少少甜，又有咖喱香。而且入面有唔少海鮮料，食落唔單調。貪心嘅我哋連甜品都點咗拼盤，有千層糕、椰汁西米糕同芒果糯米飯。我最鍾意嘅係班蘭千層糕，切開嗰刻已經feel到有幾黏韌，而且未食都聞到班蘭香。