Shine (已結業)

裝修得幾靚，確係Shine，如果來坐下飲下嘢，環境係唔錯。但食物就真係差啦，not really Shine。生果茶 - ok嘅，唔會話太甜。用蠟燭仔暖住。杯set好靚，可惜係膠嘅，而家要搵到玻璃杯set真係好難。漢堡包 - 漢堡包ok啦，唔係話好juicy好好食，不過都唔會話差。薯條就真係差，炸得唔夠，所以白side side，唔脆唔好食，薯條雖然係伴碟，但好多人鍾意食，例如我，整得唔好食，真係令人失望。卡邦尼意粉 - 實在係差、難食。完全唔係正常卡邦尼味，唔係話求其白色汁就話卡邦尼。仲有入面唔係火腿面，係勁咸豬肉粒，錯晒。唔會再來食飯。選擇少，食物質素差。