影片
更多
2017-07-15
158 瀏覽
不要被饍稿所欺騙作為一個大圍居民，見到美林冬菇亭有新搞作，好自然會心思思想試下。開業初期，食評唔多但清一式都係好評，心中帶有幾分懷疑之下決定勇闖冬菇亭。由於大圍始終欠決有水準既日本菜，當我見到餐牌上有罕見嘅日本直送刺身e.g 活北寄貝時，都感到好喜出望外。可惜想叫既刺身一係就over-priced（4片中toro 叫價$288，4片赤身叫價$98），一係就未有供應，令人大失所望！好唔容易落左單，check 單時竟然發現侍應入錯勁多（一份炒飯變兩份，三文魚刺身變三文魚腩刺身多左無叫既壽司同串燒..甚至第二次改完都係錯），就連枱號都搞錯，接二連三將我地既order 送到另一枱，安排極之混亂！我明白開業初期，廚房同侍應都要時間去熟習工作環境同流程，假若食物質素好，都還可以拉高整體分數，比多次機會佢改善。事與願違，最關鍵既食物出品只可以叫合格！刺身雖然算新鮮，但係熟食真係強差人意...和牛炒飯份量少不在話下（目測只有碗半飯），牛粒碎如免治...墨汁蜆肉帶子炒烏冬既椰菜多過蜆肉帶子，同埋成個配搭都怪怪地，絕到叫唔上好味！串燒不過不失..但唔建議大家order 霜降和牛粒串，因為仲韌過我條命成張單
作為一個大圍居民，見到美林冬菇亭有新搞作，好自然會心思思想試下。
開業初期，食評唔多但清一式都係好評，心中帶有幾分懷疑之下決定勇闖冬菇亭。
由於大圍始終欠決有水準既日本菜，當我見到餐牌上有罕見嘅日本直送刺身e.g 活北寄貝時，都感到好喜出望外。
可惜想叫既刺身一係就over-priced（4片中toro 叫價$288，4片赤身叫價$98），一係就未有供應，令人大失所望！
好唔容易落左單，check 單時竟然發現侍應入錯勁多（一份炒飯變兩份，三文魚刺身變三文魚腩刺身多左無叫既壽司同串燒..甚至第二次改完都係錯），就連枱號都搞錯，接二連三將我地既order 送到另一枱，安排極之混亂！
我明白開業初期，廚房同侍應都要時間去熟習工作環境同流程，假若食物質素好，都還可以拉高整體分數，比多次機會佢改善。
28 瀏覽
0 讚好
0 留言
事與願違，最關鍵既食物出品只可以叫合格！
刺身雖然算新鮮，但係熟食真係強差人意...
和牛炒飯份量少不在話下（目測只有碗半飯），牛粒碎如免治...墨汁蜆肉帶子炒烏冬既椰菜多過蜆肉帶子，同埋成個配搭都怪怪地，絕到叫唔上好味！串燒不過不失..但唔建議大家order 霜降和牛粒串，因為仲韌過我條命
成張單加埋$845..但係食唔飽既！咁既價錢，我寧願出去尖沙咀食冇咁嬲...
總結我對佢既評價係「食物份量偏少，質素平平同定價過份進取」
老細，與其花費咁多請food bloggers 試食寫饍稿，倒不如細心聽取食客意見，繼而改善服務同食物質素，係咪會更好呢？
張貼
