NUTTEA (灣景廣場) (已結業)

呢間係我幫襯得最多嘅飲品店，返工間唔中就會同同事一齊叫嚟飲，尤其係唔開心壓力大嘅時候，買返杯心情會好好多。今次飲呢杯係「伯爵朱古力堅果奶蓋茶」，雖然唔係第一次飲，但係好耐冇飲啦，覺得特別好飲，所以順手出返篇食評啦！印象中基本上我已經試過晒所有口味，奶蓋系列真係最冇得輸。好獨特，好香滑。唔好以為朱古力就一定等於肥我走糖走冰，完全唔係朱古力飲品個種味道，更多嘅係茶味，但又同朱古力一齊好夾，唔會好甜又唔會太淡。總之就正～係就係有少少貴，但而家唔再成日飲，間唔中一次半次，寧願飲好啲，好過飲得多但質素一般般，嘥quota啦！最後我希望佢繼續出多啲唔同嘅新口味，而且作為Nuttea常客希望佢考慮吓推出會員制度買滿指定金額自動成為會員，會員買有折，咁就好啦，哈