影片
更多
2016-12-03
1509 瀏覽
尋日(2-12-2016 Fri)請假去拜媽媽,拜完就到大埔會合女友人DC,o黎呢o度食晏同甜品,至再去綠匯學苑(舊大埔警署)行.我o地接近1:30pm到o黎,未有客人,餐廳細細間,多數都係2人枱,最o大既4人枱就要去到最入,因為我o地有好多o野,所以要坐4人枱.安頓好後就揀o野食,我o地決定要兩份all day breakfast(其實佢o地有漢堡同pizza,但我o地被all day breakfast吸引).所有all daybreakfast o既價錢都係$68.00.要o左A同B.A有水耕沙律,炒蛋,粟米,薯蓉,鮮果乳酪,伯爵茶鬆餅,B有水耕沙律,炒蛋, 薯蓉,手指窩夫,香草豬肉腸同烤番茄.加錢就有o野飲,加$15.00有熱飲,$19.00有凍飲,$25.00就有其他特色飲品,由於我唔飲咖啡,亦唔想飲朱古力(因我o地要留肚食甜品嘛),所以我o地各自叫加$25.00,要花茶同果茶,DC要雜莓果茶,我要水蜜桃果茶.根據佢o地寫名o既落單程序點好就等,等好耐好耐,而我亦嗅到香味,終於等到兩份食物o黎,應該等o左15分鐘.送到o黎,一啲餐具都冇,叫客人用手食?=.=”咁我自己出去搵啦
我o地接近1:30pm到o黎,未有客人,餐廳細細間,多數都係2人枱,
最o大既4人枱就要去到最入,因為我o地有好多o野,所以要坐4人枱.安頓好後就揀o野食,我o地決定要兩份all day breakfast(其實佢o地有漢堡同pizza,但我o地被all day breakfast吸引).所有all day
breakfast o既價錢都係$68.00.要o左A同B.
A有水耕沙律,炒蛋,粟米,薯蓉,鮮果乳酪,伯爵茶鬆餅,B有水耕沙律,炒蛋, 薯蓉,手指窩夫,香草豬肉腸同烤番茄.
加錢就有o野飲,加$15.00有熱飲,$19.00有凍飲,$25.00就有其他特色飲品,由於我唔飲咖啡,亦唔想飲朱古力(因我o地要留肚食甜品嘛),所以我o地各自叫加$25.00,要花茶同果茶,DC要雜莓果茶,我要水蜜桃果茶.
根據佢o地寫名o既落單程序點好就等,等好耐好耐,而我亦嗅到香味,終於等到兩份食物o黎,
應該等o左15分鐘.送到o黎,一啲餐具都冇,叫客人用手食?=.=”咁我自己出去搵啦,見到有叉同刀但冇匙,點舀乳酪食???刀就仍濕,匙…我唯有攞用o係飲品o個種匙啦.同DC分好兩個餐唔同o既食物後就開餐,我o地先食薯蓉,因為冇兜分乳酪食.
薯蓉裡面有啲薯仔粒,夠腍,奶味唔重亦唔會太鹹;鮮果乳酪唔酸,味道亦唔濃,質地有啲稀;香脆o既手指窩夫有三條,加佢附上o既蜜糖食,就好好味;伯爵茶鬆餅,茶味好濃,外脆內鬆,唔錯;炒蛋,好嫩滑同仍有蛋汁,好味;烤番茄正常冇問題; 香草豬肉腸有兩條唔同o既,灰白色o個條有少少黑椒o既辣,啡紅色o既就唔辣,而兩條o既香草味好夠;粟米粒飽滿,唔似雪藏粟米粒,似新鮮粟米;水耕沙律新鮮,黑醋亦落得多,又係好好味.食完就睇到黑醋真係落好多,而個碟o既花紋都好靚.
食完後,我覺得有8,9成飽,而我o地發覺兩杯o野飲仍未到o黎,DC就出去問,佢o地答整o緊,要整咁耐?就要叫甜品喇,既然新假期介紹佢o既抹茶甜品,而且我o地就係為o左呢樣而o黎,梗係要叫抹茶甜品,DH揀$68.00o既抹茶拼盤,有奶凍,雪糕同抹茶卷.而我被同樣係$68.00Oo既法式吐司吸引,就決定要海鹽焦糖香蕉朱古力吐司.
我出去點喇,老闆話冇後者,咁要雜莓果園吐司啦,佢話都冇.啊,原來冇法式吐司,DH話要心丸軟啦,有抹茶,黑芝麻同黑松露朱古力,前兩樣都係$68.00,最尾o個樣要$78.00.唔要抹茶啦,一場o黎到,試最特別o個個啦,就要黑松露朱古力心太軟.
點完俾完錢,又返埋位等.兩杯o野飲就到o左,
我o個杯水蜜桃果茶茶味唔濃,有啲水蜜桃果肉,成個唔太甜.而DC話佢杯雜莓花果飲唔到雜莓味,唔記得佢話似咩生果味.冇耐,抹茶拼盤到o黎,
我o地先食奶凍,奶凍幾滑,抹苦味甘唔甜;抹茶雪糕好夠凍,呢個奶凍甜,質地厚身,好味;抹茶卷o既味道就介乎兩者之間,抹茶忌廉滑但又唔太漏,OK.
十分鐘後,黑松露朱古力心太軟到o黎,心太軟蛋糕下面裂開,黑松露朱古力漿開始流出o黎喇,
我o地快快分好先,黑松露朱古力漿唔多,
黑松露味好濃,食落,黑松露味多過朱古力味,而且又暖,一啖暖黑松露朱古力漿同蛋糕,一啖凍雲妮拿雪糕咁食,中和晒味道同溫度.食完呢個就覺得好飽,飽到我o地到晚飯時間都食唔得多.
味道: 3.87分
環境:
間舖唔大,最入o個o度有啲焗,但整體企理.
服務:
除o左送甜品時有餐具外,其他都冇,水又自己斟.
其他:
設有每人最低消費$30.00,但唔係係平均計,即唔可以兩個人食一份all
day breakfast.
出去點選食物,講埋枱號,付款,等食物到o黎,呢個係寫o左o係張枱o度,咁客人多時咪好多人行o黎行去?
總括:
食物唔算差,但服務可以更好.
抵食:2.5分
張貼
