影片
更多
2015-02-13
749 瀏覽
最近友人一直提到Ocio既窩夫，老實說又係約埋一齊去啦雖然聽另一位熱愛窩夫既好友講過其實佢地既出品一般但係朋友叫到，我又冇試過，一於去八下啦:^P環境佈置頗有玩味，除左有復古風掛畫，仲有富現代感既黑板畫特別係相中可見，餐具造型既裝飾擺設別具格調，又沒有違和感而且座位都夠闊落，坐得舒服好啱吹水:^\只差一點點，就係枱面唔多夠大去擺食物事關佢地既碗碟上枱感覺典雅，但個頭大了點，有些少不方便情人節套餐再次吸引我的目光！食開有條癮，次次見到人地餐廳有咩特別推廣就會想試就算冇情人，同朋友食都得既姐XD另外算我孤陋寡聞，自己寫評但甚少閱評我真係勁傻仔以為Ocio係得甜品同飲品點知見到佢個餐牌，咦？又扒又飯又意粉一向中意由鹹食到甜，我就當然想試試佢地既鹹食先啦:^)鮮濃蕃茄湯尤如不明飛行物體般的大湯碗，一旁更可平放一片餐包大概放兩碗就已經快要掩蓋整個桌面了吧？蕃茄湯看上去是鮮艷的橙紅色，就咁望就已經覺得佢會好濃味舀起一小匙，果然這個湯是十分濃郁，而且重果蓉入口酸香有致，蕃茄香氣也叫自然當中夾雜少許蓉泥，綿身可口，纖維感亦令湯品沒那麼單調餐包並非法包或甜餐包，而是切片既果仁乾果包麵包沒有預想的脆韌質感
最近友人一直提到Ocio既窩夫，老實說又係約埋一齊去啦
雖然聽另一位熱愛窩夫既好友講過其實佢地既出品一般
但係朋友叫到，我又冇試過，一於去八下啦:^P
環境佈置頗有玩味，除左有復古風掛畫，仲有富現代感既黑板畫特別係相中可見，餐具造型既裝飾擺設
別具格調，又沒有違和感
而且座位都夠闊落，坐得舒服好啱吹水:^\
只差一點點，就係枱面唔多夠大去擺食物
事關佢地既碗碟上枱感覺典雅，但個頭大了點，有些少不方便
情人節套餐再次吸引我的目光！食開有條癮，次次見到人地餐廳有咩特別推廣就會想試
就算冇情人，同朋友食都得既姐XD
另外算我孤陋寡聞，自己寫評但甚少閱評
我真係勁傻仔以為Ocio係得甜品同飲品
點知見到佢個餐牌，咦？又扒又飯又意粉
一向中意由鹹食到甜，我就當然想試試佢地既鹹食先啦:^)
鮮濃蕃茄湯
56 瀏覽
0 讚好
0 留言
尤如不明飛行物體般的大湯碗，一旁更可平放一片餐包
大概放兩碗就已經快要掩蓋整個桌面了吧？
蕃茄湯看上去是鮮艷的橙紅色，就咁望就已經覺得佢會好濃味
舀起一小匙，果然這個湯是十分濃郁，而且重果蓉
入口酸香有致，蕃茄香氣也叫自然
當中夾雜少許蓉泥，綿身可口，纖維感亦令湯品沒那麼單調
餐包
並非法包或甜餐包，而是切片既果仁乾果包
麵包沒有預想的脆韌質感，卻是軟稔鬆化如一般食到既版本
當中既果仁及乾果為麵包添上點點香氣及酸甜果味
不過個人認為不太適合用作餐包，原有味道質感同湯品唔多夾，就咁食反而更好
忌廉蘑菇湯
70 瀏覽
0 讚好
0 留言
一講起忌廉湯，我總想起自小飲多多既Pizza Hut出品
我諗唔少人都有嚐過，味濃又稠滑，只係飲飲下會覺得幾溜幾滯
今次飲到既忌廉湯倒是比蕃茄湯更為稀身清淡
忌廉香氣只有表面輕微帶過，而且不濃稠又佔量不多，唔會太過奶膩
蘑菇湯頗帶清香，菇味夠重又不苦不奇怪
湯裏頭仲加入左好多菇碎，飲落唔太幼滑但有少少咬口
可能平時食西餐飲到既都係以黑松露入饌，多了份松露幽香及鮮味
當嚐到普通蘑菇湯，有時會覺得其味有點像中湯呢XD
芝士焗薯條
67 瀏覽
0 讚好
0 留言
芝士焗薯條餐牌中只以非常細小字眼列明有這道菜
既然我地講得出呢件事，姐係其實係忽略左
到上枱先訝異點解多左樣野既？XD
一盤芝士焗薯條，裝得滿滿的
微溶芝士大大方方淋在上頭，灑上香蔥碎
賣相精緻誘人，讓人不禁垂涎失儀
友人一下子叉起面頭沾滿芝士既薯條堆
「喂！等陣！」
原來真係牽哂絲既半溶芝士，而非經常係外面食到只嚐其味，不見其絲既芝士醬
在我要求之下，朋友只好忍住食慾，手執叉子，停留在那一秒
「得啦，食得！」
時光恢復過來，那幾條完全沐浴於半溶芝士當中既薯條瞬間轉移到友人的碟子上
當然我會先試芝士部分啦，趁熱呀嘛！
芝香中等偏濃，不過鹹度不高，呢款芝士係著重於牽絲既柔韌感
薯條係我心儀既粗薯先生，炸得金黃，不太脆口
勝在調味得宜，整體香口滑順
另外佢用湯碗意粉碗之類器皿盛起，下凹設計有助保溫
食到底都仲夠暖熱，而少量流至碗底既芝士仲係半溶，可以再沾點薯條
法式酥脆羊架及芝士蒜蓉牛油焗龍蝦
40 瀏覽
0 讚好
0 留言
羊架和龍蝦用同一木板奉桌，果然就是情人兩份用的溫馨感
羊架份量也叫足料，驟眼看去真的幾大堆頭！
而且翻開一睇，佢唔會話極多骨但得兩口肉，羊肉部分都不少
外皮的確很夠酥脆，但有別於裹厚粉漿裹麵包糠既硬脆感
算是薄身，只是也有一點油膩，蘸些蜜糖芥末醬大概更惹味又解膩
羊肉稔身不膩，熟度剛剛好未會太老太乾柴
咀嚼之下慢慢滲出微微肉汁及羊油，肉味猶在，還帶少許脂肪位既油香
個人偏好重口味，感覺不太羶，但好在沒有雪味及腥臊味
芝士蒜蓉牛油焗龍蝦
龍蝦已事先開邊，要食龍蝦肉就方便又不狼狽
情人節約會，任誰也不想在對方心裏留下如深山野人的印象吧？
利申：本人並沒有歧視深山野人
開邊龍蝦表面鋪滿芝士，又再灑點香蔥整色水
龍蝦肉也叫帶龍蝦鮮香，不會只得雪味
可惜焗得乾了少許，味道是會越來越濃縮濃味，但質感就未夠彈牙爽口
芝士味道淡鹹，烤焗後帶金黃，也蠻香的
蒜蓉香味則不太突出，入口也不太嚐到其味
牛油的奶香幼滑，則是讓芝士表層更添色彩，愈加香濃順口
原個玫瑰天使蛋糕
73 瀏覽
0 讚好
0 留言
原個玫瑰天使蛋糕外表是洋溢幸福快樂感覺的粉紅及淡紅，看著已經揚起笑臉
用忌廉擠起一朵朵優雅不凌亂的玫塊花，色彩層層遞進，心思昭然
銀色閃爍糖粒散落在忌廉表層，再添高貴
忌廉細密滑身，可惜不是我杯茶
膩度很高，而且味不夠自然，食落真係好油好膩
仲有我本身對忌廉係極度揀擇，就算係自家發打既忌廉都未必會過到關
只嘆它同我絲毫不投機
中心夾的芒果慕絲層則是合格的部分
夠細夠滑夠香口，氣泡緊密因而有均勻細緻既質感
芒果味道不會過份人工，大概是紙包芒果果汁既味道，甜度適中
儘管裏面未有芒果果肉坐陣，但在我看來，比忌廉層好得多了，至少我會吃入口
底部再加一層薄薄的海綿蛋糕
綿香，吸收少許慕絲水分濕氣，避免餅底出水
且略帶芒果味道及濕潤空氣感，再幼身一點應該和發起的蛋白相差不遠
解決一個情人節套餐後，原來時間已經不早
兩人明早還是要上學，其他甜品小食……留待下次吧！
張貼
