永華日常 (淘大商場1期) (已結業)

食過1次早餐,1次晚餐,全日供應嘅大約7、8次,感覺整體係唔錯。可以有時間嘅1次早餐係沙嗲牛韓國即食麪配炒蛋牛油多士,唔知係咪呢次有時間慢慢食早餐,覺得特別好味!雲吞、水餃麪符合我預期水準;日本半熟流心蛋豬軟骨撈稻庭烏冬好味,肉冧骨軟;廖孖記腐乳芝士臘腸卡邦尼意粉搞野得嚟啱我較濃嘅口味,腐乳小方磚獨立一粒放於碟中,不接受腐乳直接配意粉嘅可諗辦法處理(有粥供應更妙)。🤔😊(我太太竟可以喺手袋中拎出1小密實袋拎走返屋企餸飯)店舖吻合集團系統式管理,喺寸金尺土嘅本土,環境算唔錯。【差d唔記得講某日中午推廣價食牛扒餐,牛扒2件+鹹檸水,77折(紀念77x？),盛惠$52.4😝】