Sky House (已結業)

本身放工之後應該上course，但導師臨時有事，咁就變左去覓食😋。荃灣區食西餐應該無咩人會覺得好，雖然小弟住附近，但其實都無咩信心😂。呢間位於老區嘅西餐廳，裝修都唔錯，似模似樣😂，唔係殘殘舊舊果種。可能因為同一條街有唔少食店，competition唔小。價錢好相宜，好多都under 一百蚊。我自己叫左個黑松露海鮮炒飯，加個雜菌湯。個湯唔錯，幾有質感同香味，但淡左少少。十元好似有啲唔抵🤔😂個黑松露海鮮炒飯👍🏻黑松露香味幾有，唔會太salty，唔似某啲salty到死嘅炒飯因爲無咩料要整到咁。但略嫌飯唔夠乾，算香口嘅。啲海鮮就好一般，唔係好特別。最後叫左個牛舌，supposed係應該有蜜糖芥末醬，如果加埋我相信會好食好多。不過如有所見啦，淨係得左上果少少🙄。不過佢係好夠熱，相信係即叫即整。