茶木‧台式休閒餐廳 (MegaBox) (已結業)

記得以前有一次去茶木，有左個唔好既印象，跟住我就好少再去茶木，但今日見到佢個下午茶menu我同朋友決定比一次機會佢，睇下佢值唔值得我以後再食。佢tea menu 有得揀正餐，多士餐，甜品set，小食set，因為我地無食lunch，所以叫左個台式腸仔肉燥飯，$58蚊加一，佢幾抵既係，餐飲可以免費飲到珍珠奶茶，平時一杯都20蚊，佢一個飯加一杯珍珠奶茶就58蚊，價錢都叫okay。因為係下午茶？所以個飯既size都唔大，女仔食應該夠飽，男仔就未必夠啦。個飯有半隻魯水蛋，十幾片腸，都唔錯，啲腸仔幾好食，真係係台灣食過既味咁，比預期中好。茶木既下午茶雖然係下午茶黎講都叫貴，但佢包一杯珍珠奶茶，所以都仲叫可以既，下午茶既茶木可以再encore一下。