來多客

營業中

休息中

因為原先想去嘅餐廳太多人，所以諗住喺旁邊求其搵一間食得飽個肚就ok，但係估唔到呢一間餐廳啲嘢食質素都ok喎👍比我想像中好，而且嗰啲咖哩牛腩真係煮得好入味👍唯一就係人流太多，服務員太少，基本上嚟嚟去去都係得嗰三兩個人，根本招呼唔曬咁多個顧客。所以淨係落單都等咗好耐，好在啲嘢食嚟到都唔失禮而且員工態度都可以接受所以整體嚟講呢一間都係算高質嘅茶餐廳。我唔係住開嗰頭，但如果嚟到肚餓呢一間餐廳我都覺得可以係一個選擇。特別係而家嘅茶餐廳做啲嘢出嚟唔hea真係好難得, 所以值得推介畀大家。