必勝客

營業中

休息中

週末嘅下晝諗唔到食乜, 所以就黎咁呢間喺沙田中心嘅pizzahut, 貪佢嘅地點夠哂方便。由於正值下晝3點幾, 所以門口都無乜人等位, 大概5分鐘已經可以安排入位。一坐低就叫咗一個下午茶set, 裡面有四件公司三文治、薯條同埋一杯野飲。可能pizzahut嘅客人實在太多, 所以啲員工都幾忙, 未能夠即時埋黎落單。不過落單後啲野食都算快到, 幾有效率。公司三文治嘅面包有烤過, 但因為面包係預先烤定, 所以咬落唔算脆。至於配料唔算少, 有蕃茄、煙肉、火腿、蛋同埋雞肉。雖然有蕃茄搭配, 但太多蛋同肉, 所以食落都係有啲膩, 食哂四件三文治會好飽肚。薯條就正正常常, 似m記食開嗰款但有比較粗身啲。以下午茶黎講, 呢個set可以接受。