影片
更多
2023-04-17
3333 瀏覽
前日(15-4-2023 Sat)同老公食完早餐後,行返嚟呢喥買隻雞,為晚飯加餸.我哋嚟到睇,$198.00一隻,我話要一隻拎走,老闆問我有冇剪骨較剪?$198.00就有較剪俾埋我,唔要較剪就$190.00,手撕食都得嘅,咁唔使喇.之後佢問我要唔要埋竹筒飯?係喎,佢提醒咗我買埋呢樣,就要埋一個,盛惠$15.00.老闆問我𠲖 o家食定夜晚食?我答夜晚食.佢就問我有冇氣炸鍋或焗爐?我答冇.咁佢教我,將隻雞放入電飯煲,唔使加水,就咁撳煲飯嘅掣,電飯煲大約喺7分鐘後就會停,咁就食得.而佢用咗幾隻米做嘅竹筒飯呢?竹筒有個塞,返到去用鑊煲熱水後,放佢落去蒸約10分鐘後拎出,然後用開咗個塞,再用佢俾埋嘅竹枝篤入去,將佢篤出嚟,就好似雪條咁.買完返屋企,佢係熱騰騰嘅,爸爸喺喥食o緊飯,我就即刻打開佢,切啲出嚟俾佢食先.打開睇,隻雞唔大隻,切啲時已經感受到佢嘅皮好脆.俾咗爸爸後,我都試少少先.皮脆肉嫩多汁同好夠味,唔錯.味道:5分到夜晚,我爸爸就將隻雞唔冚鑊蓋嚟蒸返熱,而竹筒飯就蒸咗10分鐘,然後用佢教嘅方法,將啲飯整出嚟.睇見有紅米,粟米,白米同唔知咩米,食落唔太香,口感唔夠腍,麻麻.味道:1分雞就用
我哋嚟到睇,$198.00一隻,我話要一隻拎走,老闆問我有冇剪骨較剪?$198.00就有較剪俾埋我,唔要較剪就$190.00,手撕食都得嘅,咁唔使喇.
之後佢問我要唔要埋竹筒飯?係喎,佢提醒咗我買埋呢樣,就要埋一個,盛惠$15.00.
老闆問我𠲖 o家食定夜晚食?我答夜晚食.佢就問我有冇氣炸鍋或焗爐?我答冇.
咁佢教我,將隻雞放入電飯煲,唔使加水,就咁撳煲飯嘅掣,電飯煲大約喺7分鐘後就會停,咁就食得.
而佢用咗幾隻米做嘅竹筒飯呢?竹筒有個塞,返到去用鑊煲熱水後,放佢落去蒸約10分鐘後拎出,然後用開咗個塞,再用佢俾埋嘅竹枝篤入去,將佢篤出嚟,就好似雪條咁.
買完返屋企,
佢係熱騰騰嘅,爸爸喺喥食o緊飯,我就即刻打開佢,切啲出嚟俾佢食先.打開睇,
隻雞唔大隻,
切啲時已經感受到佢嘅皮好脆.俾咗爸爸後,我都試少少先.皮脆肉嫩多汁同好夠味,唔錯.
味道:5分
到夜晚,我爸爸就將隻雞唔冚鑊蓋嚟蒸返熱,而竹筒飯就蒸咗10分鐘,然後用佢教嘅方法,將啲飯整出嚟.
竹筒飯
$15
69 瀏覽
0 讚好
0 留言
竹筒飯
$15
48 瀏覽
0 讚好
0 留言
味道:1分
雞就用手撕嚟食,皮唔脆係意料中事,不過雞肉包括雞胸仍好滑,但都算鹹,送飯就會啱啱好.
味道:4.5分
抵食係 2.6 分
張貼
