影片
更多
2008-11-21
14 瀏覽
新開一於試試，價錢唔平，無當佢係快餐，而係shake'em bun果個級數。係試就比足誠意，如下：triple fatburger ($80) + bacon($5) + egg($5) onion rings ($20)fat fries ($20)個飽擺明想同 shake'em bun 既 gangbang 比比。triple fatburger飽比較細，肉相當好，配料夠，煙肉多而脆，隻蛋就唔知去左邊咁，無蛋黃四溢既情況。絕對夠fat。同gangbang各有千秋，要睇各人喜好。triple fatburger塊肉比較有質感，肉香重，gangbang賣肉汁，實在有多少阿蘇蒸肉餅既手法，灌左好多水。triple fatburger塊肉煎到有多少黑邊，可以話overcook，不過又稍香脆惹味。triple fatburger蛋同煙肉放底，肉在上，隻蛋就咁葬左，呢方面無gangbang咁好。配料覺得triple fatburger略勝，多樣，味道有層次，gangbang一味生菜番茄，當然又可能有人鍾意咁清新。賣相triple fatburger就比較差，唔知係米太忙，個飽未打開張紙，外面都
係試就比足誠意，如下：
triple fatburger ($80) + bacon($5) + egg($5)
onion rings ($20)
fat fries ($20)
個飽擺明想同 shake'em bun 既 gangbang 比比。
triple fatburger飽比較細，肉相當好，配料夠，煙肉多而脆，隻蛋就唔知去左邊咁，無蛋黃四溢既情況。絕對夠fat。
同gangbang各有千秋，要睇各人喜好。triple fatburger塊肉比較有質感，肉香重，gangbang賣肉汁，實在有多少阿蘇蒸肉餅既手法，灌左好多水。triple fatburger塊肉煎到有多少黑邊，可以話overcook，不過又稍香脆惹味。triple fatburger蛋同煙肉放底，肉在上，隻蛋就咁葬左，呢方面無gangbang咁好。配料覺得triple fatburger略勝，多樣，味道有層次，gangbang一味生菜番茄，當然又可能有人鍾意咁清新。
賣相triple fatburger就比較差，唔知係米太忙，個飽未打開張紙，外面都搞到油立立咁。唔單止triple fatburger係咁，有賣相差同overcook既問題，連洋蔥圈都一樣。
洋蔥圈非常失敗，炸過龍，個色好得人驚，黐埋一堆，又甩炸獎，個紙盒索滿油。好懷念當日jack in the box個洋蔥圈，如果jack in the box個洋蔥圈係一百分，今日呢個fatburger洋蔥圈只值四十分。
薯條如何呢？賣相算無咁衰，食落口感仲幾好，外脆內滑，不過食左兩條就開始覺得唔對路！點解無咩薯仔味？？！！薯仔味之弱，比麥記重低，好似食粉咁，認真失敗。
最後講地方同服務。新開都幾好，不過個吊頂餐牌實在吊得太高，又有塊假天花吊板遮住，第一行食品完全睇唔倒，除非已經行到收銀前。
shake'em bun 外賣堂食都用pager，fatburger就用號碼牌加個銀座，囉住佢企係度好似變左選美佳麗咁。
收銀好唔掂，英語水平不達標，聽佢講onion rings好爆笑。
員工有成十人都唔係太高效率，衣履欠整齊，有多少志願機構交比長期失業者果種合作社既團隊感覺。
其中一個收銀一邊囉住舊已經好濕既紙巾係度不停抹鼻涕，一面落單。真係要整頓下。
總結，得個飽係shake'em bun果個級數，其餘雖然收費不菲，實在質素分分鐘差過麥記。
張貼