Lab 66 (已結業)

朋友生日飯於是簡左間幾多好評的Lab 66試下。由於7點去到仍然算早,所以有好多位任坐,我地上左一樓,環境都好寬闊。XMAS後已然無左SET 餐,要散點,價錢都稍貴原條芝士鰻魚鐵窩飯,賣相很吸睛,鰻魚很飽滿,鋪上一層金黃芝士令人食指大動。呢個飯要趁熱食,凍左芝士會一舊舊。加左洋蔥粒增加甜味同無咁漏,不過鰻魚汁味道都係重手左,比較濃。黑豚肉柳茄汁配長通粉,感覺好像千層面,黑豚肉爽口,茄汁酸味不會太過,口味都算清新,份量也很多。香草醬燒豬軟骨,薯條炸的時間控制得不錯,豬軟骨好鬆軟同入味,有少少辣,香草醬味濃郁,令到自己只覺得食緊醬,輕手D會好D。最後叫左杯"綠",有5種果汁組成,酸溜溜,味道幾清新。個人覺得食物價錢稍貴,而且好多CAFE都有這個質數也不貴,所以試一次就算。