明記甜品 (已結業)

食完好食既潮州打冷,心情靚靚,想搵d甜野食吓,行到隔離街,有好多選擇,檔檔都打到出門口,都唔知食邊間先啱,咁就揀間舒服少少既啦!兩個人叫左個楊枝甘露同一客木槺布丁,木槺布丁呢家野喺澳門氹仔食過一次,味道唔錯,嚟呢度番撻!楊枝甘露味道只係一般而已,因為好似奶味比較重而芒果味唔係好夠,唔算差但係只係ok!至於木槺布丁,味道唔錯,質地比較硬似雪糕多一點,味道比澳門嗰間甜一點,可以話各有特色!