影片
更多
2013-07-08
1059 瀏覽
近來想食Pizza, 所以上OPENRICE睇睇尖沙咀區有咩好介紹, 見到呢間店食物同環境都唔錯, 一於打去訂座食晚餐先. 老友記想食Pesto Linguine, 我就梗鍾意啦, 因為有我喜歡的羅勒, 好, 就呢款啦! $128蚊, 份量偏少, 一人幾箸...真係物以罕為貴, 味道就幾適中, 唔會好啖口, Linguine 煮得剛好, 唔會'林'身; 另外叫咗 Hawaii Pizza, 無影相掛住食...睇呢度之前有食評介紹用石爐焗, 咁佢個餅底薄身又真係焗得好香口, 配料都算多, $128我覺得值回票價, 可以ENCORE!!! 老友記叫咗杯Cappuccino Smoothies, 佢話唔夠香同滑, $50蚊杯仲以為好得點知係唔得喎.... Honey今晚唔得閒, 但佢响我同老友記完膳前接返我, 我當然乘機叫個Tiramisu話同佢 Share, $75 但份量真係細到離譜, 非常袖珍, 一人兩啖就食完, 只能嘆句:百物騰貴! 呢個Size我覺得最多值$35, 況且呢客甜品唔特別出色, 甚至係'失色', 味道好一般, 無酒味, 奶味略重, 朱古力粉又唔特別香...唔.
服務一般, 唔太好但唔算差, 侍應有港人有東南亞人但全部都木口木面, 無咩笑容亦唔會主動加水同收碟, 之不過要水要柯打招招手都唔會扮睇唔到, 算OK o架喇, 我點敢要求更多?! 坐位都可接受, 我哋咁啱有單邊梳化位, 唔會迫到左右隔離貼一貼, 仲叫傾到偈. 總括而言, 如果要搵地方食Pizza, 呢度係值得推介的, 但特飲同甜品各位見到我的食評就考慮叫其他可能會好啲.
張貼
