壽司郎 (樂富廣場)

營業中

休息中

12月26日中午12點半到達，冇人等位，可以直接入座。受之前惡搞事件影響，而家得一兩碟壽司喺迴轉帶上面，絕大部分都係撳平板電腦落order，比較清潔衛生。 😋美中不足係，限時食60分鐘，其實食得有啲趕， 壽司同其他分店都一樣，冇乜大驚喜🤔， 但個人覺得比元x壽司多樣化，尤其是吞拿魚品質管理較優，又新鮮，唯一覺得壽司郎嘅甜品越做越差， 栗子蛋糕中伏😫，普通得過份， 屋邨餅店做得更加好。 小朋友勁愛烏冬，所以連續叫咗兩碗，如果下次再嚟，可以試下要其他嘅烏冬。