樂飛葉山區餐廳 (已結業)

昨晚一行5個人加1小孩去，裝修好靚，木檯木椅木吧檯，7:30pm 去到得3檯人。未試過芝士火鍋便叫了1個set. 再order了鱸魚餐、燒雞餐、肉眼扒餐。個芝士火鍋都幾大份，如果2人吃就不用再叫其他東西。啲芝士有酒味，都幾好味。盤火腿size都幾大，最後都冇吃完。甜品可選焦糖燉蛋及蘋果批。跟餐送2杯暖紅酒，ok la。餐湯有洋蔥湯及魚湯，2個都好味，尤其是洋蔥湯，好多洋蔥絲。鱸魚餐個魚柳好有魚的鮮甜，啲肉唔會“梅”，配菜是炸薯球，感覺有啲行貨。燒雞餐隻雞啲肉好嫩、燒得好香，配菜是意大利飯，都ok。肉眼扒都好香好嫩，配菜的焗薯千層好正。呢道消費唔平，唔知點解水都冇杯，一定要另外order drink或bottle water。去Mandarin Hotel嘅Vong，都會比杯冰水先，再等你慢慢落order啦，所以呢吓都幾唔高興。2個waitress都好似好怕羞，講嘢都要"air~~~"陣先，好"新人"。5大人1小童total$1,170。食物好好，若果d service 可以好啲就好la。