南翔饅頭店 (已結業)

間野開咗咁耐，我都無衝動去試吓，因為睇到好多食評話唔得，點知媽咪話要去le 度食lunch，咪順下佢意囉!一去到都要等十分鐘至有位，我哋三人叫咗鮮肉小籠包、蘿白絲酥餅、蝦仁雞火炒飯、雪菜肉絲炒年糕，高力豆沙！小籠包&蘿白絲酥餅真係唔及利苑酒家喇！小籠包係有湯汁不過Ｄ皮略厚，蘿白絲酥餅個皮直情唔得啦！反而個炒年糕幾好味喎！個炒飯&高力豆沙都ok!不過個高力豆沙我哋等咗半個鐘至有囉!