Thai-ger (已搬遷) 新店位置

由於ua結業，攞住ua換票券可以換到d2 Place 50蚊coupon，攞住coupon就去試下呢間泰國菜，之前睇食評都想試好耐㗎喇。冬陰功三餸車仔麵其實都好足料，三個餸份量都唔少，我叫咗雞翼、豬頸肉、扎肉，三種餸都好味， 冬陰功湯底 都唔錯，成碗食哂飲埋啲湯㖭。燒豬頸肉飯都ok嘅，原先係叫青咖哩豬頸肉，可能聽漏咗“青咖哩“三個字畀咗燒豬頸肉， 最好嘅就係佢唔會燒得太乾同埋唔燶。泰式肉碎煎蛋飯🍳🍛肉碎好多食唔哂可以留返第二日再炒飯食過， 來有少許辣椒， 食到辣先好試。我好鍾意食泰式甜品，覺得唔錯喎，乾淨企理獨立一杯杯。唯獨椰汁香芋糕嘅香芋糕同椰汁份量對比太少喇，椰汁薄少少糕底多番啲就perfect。至於椰青大菜糕都好得呀全部都係全日餐78蚊加罐裝汽水，若然價錢稍作調整會更吸引。