沙嗲王 (官塘工業中心) (已結業)

有次行過觀塘工業中心地下，見到有間沙嗲王靜雞雞開咗係第二期地下, 今日終於記得黎試吓。話說都好幾年無幫襯過沙嗲王，以前感覺係一般嘢，無咩特色，今次入黎有煥然一新感覺喎。裝飾新穎咗，落咗心機。今日叫咗個雞脾飯，有幾隻汁揀，我揀咗秘制咖喱。雞脾飯有驚奇，隻炸脾仲好多雞汁滲出黎，唔乾亦唔油膩，食落去好新鮮好香口！仲比隻骨你「損」。個秘制咖喱確係同平時個d有分別，呢碗咖哩亦香亦微辦，好岩香港唔中意太辣或太濃嘅口味。見張單有加1，少少怪，通常lunch唔會加1. 不過見佢送返張$6 coupon下次食，咁算啦