影片
更多
2018-12-30
76 瀏覽
匯聚一眾新派食府既ARUA ON PENNINGTON，強勢落戶銅鑼灣邊陲一隅，作為識食之人既你一定絕不會陌生。今回有機會再度尋訪另一間同樣主理Omakasa的鮨川，正好為迎接歡樂佳節吃喝玩樂揭開序幕。店內陳設裝潢融入大量日系元素，簡潔的線條與深沉的木器，配合柔和既室內光線，充滿現代和風設計格調及予人無限空間感。以U字型狀佈局而成既壽司吧，不單能讓客人舒適地安坐三側用餐之餘，更可帶給座上客超廣闊角度去觀摩師傅們的手藝，視野度絕對一流。是晚12貫壽司成宴的"雲"，由一位帶著親和笑容的師傅為我們發辦。鍾愛對食材不斷進行探索又敢於創新的他，以專業及自信既態度跟我們打趣地說今頓Omakasa要吃得盡興一點。前菜小吃三點準備了佐賀豆腐、栗子及長芋+海膽。聞說佐賀因地利優悅而盛產大豆，而其出品既豆腐料理更是享負盛名，彈滑之中帶韌性是最能貼切地對它進行描述，將其分成兩片薄薄入口亦不覺任何明顯鬆散之虞。至於透明小杯內的北海道馬糞海膽，味稍偏淡香一點，外表帶黏稠狀的長芋渙發清新之食感，餐前數片可謂健胃消食之最。第一貫先以淡香魚味既白身左口魚起始，師傅特意為平實既外觀略添美感，加入小片經切割成絲帶狀的紫蘇
店內陳設裝潢融入大量日系元素，簡潔的線條與深沉的木器，配合柔和既室內光線，充滿現代和風設計格調及予人無限空間感。以U字型狀佈局而成既壽司吧，不單能讓客人舒適地安坐三側用餐之餘，更可帶給座上客超廣闊角度去觀摩師傅們的手藝，視野度絕對一流。是晚12貫壽司成宴的"雲"，由一位帶著親和笑容的師傅為我們發辦。鍾愛對食材不斷進行探索又敢於創新的他，以專業及自信既態度跟我們打趣地說今頓Omakasa要吃得盡興一點。
前菜小吃三點準備了佐賀豆腐、栗子及長芋+海膽。聞說佐賀因地利優悅而盛產大豆，而其出品既豆腐料理更是享負盛名，彈滑之中帶韌性是最能貼切地對它進行描述，將其分成兩片薄薄入口亦不覺任何明顯鬆散之虞。至於透明小杯內的北海道馬糞海膽，味稍偏淡香一點，外表帶黏稠狀的長芋渙發清新之食感，餐前數片可謂健胃消食之最。
第一貫先以淡香魚味既白身左口魚起始，師傅特意為平實既外觀略添美感，加入小片經切割成絲帶狀的紫蘇葉，及放上小量梅醬好讓醬果味輕輕發揮其點綴效果，味道顯然清新。
緊接而來的三貫分別為魚味帶甘香的深海池魚 (左)，肉質細嫩的金目鯛 (右下) 及口感紮實，同樣甘甜清爽既薄切間八魚 (右上)。
北海道馬糞海膽再次出現於壽司環節裡，膽肉不單飽滿尤其表層之細緻顆粒極緻分明，味道方面較前菜的來得加倍濃香且超綿滑，奈何鏡頭有點不中聽致使焦點偏移了，只能在腦海回憶當下最美畫面。師傅建議我們務必盡快品嚐，不然外層既紫菜很快便會變得呈軟身狀欠缺了脆口之感。馬糞海膽同樣係新鮮貨，你可以觀察到師傅即開活海膽既場景，品質既保證。
師傅另一信心推介之選 - 新鮮既鯖魚壽司，不過他亦強調非所有客人都能接受此魚種，並建議在無添加醬汁下讓我們最直接感受魚肉之鮮甜度及脂香，亦只有在最新鮮既情況下才會達至零腥味既效果。他指出因大部份日本料理店較少供應新鮮貨，吃到的多是經過處理或入醋醃製之成品，新鮮出品的絕對非拿一件醋鯖魚能媲美得上。今天我們有幸遇上即日新鮮來貨既鯖魚自然不能錯過，魚皮表面順滑富光澤，入口卻帶點脆彈。
擁有獨特橙黃美艷驅體既活赤貝，亦都是一貫不能不吃既貝類壽司。不妨留意師傅處理活貝時，會使勁地把手裡赤貝用力摔一下，由發出之沉實著落聲響及富活之彈性肌足以展示其鮮活程度。握成壽司後的赤貝依然爽厚無比，咀嚼時有著與帆立貝截然不同的俐落清脆感，清甜之中蘊含淡淡既海水味餘韻。
帆立貝壽司內的山葵份量略有重手之嫌，掩蓋了面層原帶甘香既綠茶鹽的味道，未有預期既效果，可以有進步空間。
這貫牡丹蝦壽司灑上極幼細兼橙橙紅紅樣子狀般既粉末，放近咀邊就輕易感受到一股撲鼻而來既濃郁又鹹香之鮮味，加之擁有飽滿體形既牡丹蝦身本質肉厚非常而且鮮甜度高，吃貨既食友一定不能錯過。在師傅口中得知剛才壽司面層鋪上既粉末成品過程一點也不簡單，是要把蝦身其餘部份烘乾磨粉加以篩選，可謂功夫手作。
原隻燒大蝦，由飽滿既蝦腹到強而有力既尾部，入口一節比一節爽彈之餘更係Juicy得很，美味得連帶蝦膏精華也不能放過。
總係令人期待兼百吃不厭的拖羅，魚脂豐腴的特性配壽司醋飯一起入口伴勻，溫潤的油脂源源不絕地洗滌你整個口腔每一角落，加入少量竹炭鹽有助緩解油膩來得清爽之效。
壓軸分別由時令既喜知次 (上圖) 及赤鯥 (下圖) 來結束整個壽司環節，能夠有幸地同時一嚐冬季上盛既兩大肥美魚種確實令人雀躍。師傅利用槍火來回輕炙魚身數下，透過熱力把魚脂徹底激發釋放出來，讓食客嘆到一啖即溶既效果。為增強總體觀感及多添一份創意味道，兩貫壽司分別洒上微細既咸蛋黃碎及烏魚子，各具特色。
嚐畢十二貫壽司真真正正的由嘴角滿足到大腦去，是時候先來口熱騰騰鮮甜蜆湯調劑一下，好讓迎接甜點環節。
一邊細味甜蜜既富有柿及士多啤梨，一邊欣賞師傅廚藝技倆確實係賞心樂事。
張貼
