影片
更多
2022-06-02
264 瀏覽
我女朋友一開始唔鍾意食壽司，直到有一次逼佢同我食omakase，女朋友就鍾意咗食壽司，成為我人生一大成就😎。今日係同女朋友嘅六年半周年紀念日。經過我精挑細選之下，我揀咗壽司櫻作為周年紀念日嘅壓軸餐廳😜壽司櫻餐廳晚市只有兩個omakase套餐，而且無得散叫食物，我地今次試左「金」🤩- 前菜前菜包括括北海道北寄貝配韭菜，鰤魚白子配薑汁同汁燒金箔飽魚。以上三款賣相精緻，味道出色。我最鍾意應該係鰤魚白子，入口柔滑順口😍- 左口魚刺身配紫蘇花紫鮮花味道幾強烈，食完我只係記得紫鮮花既香味😬- 北海道象拔蚌象拔蚌爽脆清甜，加左青檸汁有畫龍點晴既感覺。- 深海池魚深海池魚做左兩食，兩款分別用咗唔同部位。一款配上芽蔥，另一款配上黑魚子。深海池魚甘香細膩，而且夠肥美。芽蔥完全無草青味，只有淡淡既甜味，而且可以解膩。至於黑魚子鮮味突出，同深海池魚味道好夾。- 帆立貝海膽呢個組合非常邪惡，用紫菜夾住帆立貝同海膽一齊食😋。帆立貝好大粒，帆立貝既醬油唔會蓋過本身既鮮甜，海膽令味道鮮上加甜。- 鰹魚刺身鰹魚用左樱花木煙燻，一打開玻璃蓋就製造出煙霧離漫既效果，真係好睇又好食🤩- 海膽焗大蝦又有海膽既出現啦😍！大蝦肉質
壽司櫻餐廳晚市只有兩個omakase套餐，而且無得散叫食物，我地今次試左「金」🤩
- 前菜
前菜包括括北海道北寄貝配韭菜，鰤魚白子配薑汁同汁燒金箔飽魚。以上三款賣相精緻，味道出色。我最鍾意應該係鰤魚白子，入口柔滑順口😍
- 左口魚刺身配紫蘇花
紫鮮花味道幾強烈，食完我只係記得紫鮮花既香味😬
- 北海道象拔蚌
象拔蚌爽脆清甜，加左青檸汁有畫龍點晴既感覺。
- 深海池魚
深海池魚做左兩食，兩款分別用咗唔同部位。一款配上芽蔥，另一款配上黑魚子。深海池魚甘香細膩，而且夠肥美。芽蔥完全無草青味，只有淡淡既甜味，而且可以解膩。至於黑魚子鮮味突出，同深海池魚味道好夾。
- 帆立貝海膽
呢個組合非常邪惡，用紫菜夾住帆立貝同海膽一齊食😋。帆立貝好大粒，帆立貝既醬油唔會蓋過本身既鮮甜，海膽令味道鮮上加甜。
- 鰹魚刺身
鰹魚用左樱花木煙燻，一打開玻璃蓋就製造出煙霧離漫既效果，真係好睇又好食🤩
- 海膽焗大蝦
又有海膽既出現啦😍！大蝦肉質彈牙，海膽醬由海膽同蛋黃混合而成，然後塗勻係大蝦上面再焗，令大蝦無論色香味都更上一層樓🔝。大蝦上面放上稻穗焗出嚟嘅爆谷，口感香脆，米香突出。
- 舞茸清湯
呢個湯非常清甜，菇味非常香濃，俾客人清一清口腔，準備心情食壽司🥰
壽司方面餐廳用左赤醋飯🍣，酸度溫和，口感粒粒分明。壽司有以下九款：
- 鳥貝（左上）
鳥貝應該係我食過口感最爽口嘅壽司，比起赤貝，我更愛鳥貝😍
- 伊佐木（右上）
味道鮮甜彈牙，口感有少少煙韌，食完既感覺比較清爽。
- 白蝦（右下）
晶瑩剔透嘅白蝦上面有柚子皮，而且灑上少少岩鹽。師傅話岩鹽唔會好似豉油咁鹹，而且帶有海水味。白蝦既口感係我之前未試過，有少少黏身，肉質鮮甜。
- 金線雕（左下）
原來金線雕係紅衫魚🤩，師傅將金線雕炙燒之後魚油迫曬出嚟，面頭仲有鹽漬昆布。
- 吞拿魚（左上）
吞拿魚同山芋呢個組合相當新穎，味道非常甘甜😋
- 胡麻鯖魚（左下）
鯖魚上面放左少少芝麻，魚油味幾重👍🏻
- 池魚（右上）
入口比較清爽，略帶少少油香，配上芽蔥有另一番風味😋
- 銀鱈魚（右下）
估唔到銀鱈魚仲可以用作壽司，銀鱈魚配上魚子醬，入口細嫩滑溜，炙燒完魚油味更突出，肥美程度同拖羅有過之而無不及。今次配搭嘅魚子醬偏向深綠色，原來來自日本，配上銀雪魚令魚子醬嘅鮮味昇華。
- 拖羅
每次食omakase最期待既壽司一定係拖羅，拖羅魚油非常豐富，口感入口即化，美足不足既係食落有少少筋🥲
- 海膽杯
每一啖都係奢華既享受😍，入面有海膽、白蝦、拖羅蓉同魚子醬。下層有少少壽司飯作「點綴」🤣，口感豐富，鮮味極濃。
- 魚湯
魚湯呈奶白色，味道超級濃郁鮮甜，入面有香菇、豆腐等配料，好飲到想問師傅可唔可以買外賣湯包🥰
- 熊本哈密瓜🍈
最後以哈密瓜作結，甜到入心💓
壽司櫻係我食過最正既omakase，亦都係最貴🤣，之後要努力賺錢令自己每一個月食一次omakase！
張貼
