影片
更多
2023-07-07
655 瀏覽
旺角朋友試過呢度個lunch唔錯…就帶我黎試下呢度既dinner omakaseomakase包括2個前菜…4款刺身…2個熟食…之後仲有18件壽司。食完仲可以免費追加(記住除左海膽呀)我唔客氣啦🙏🏻🙏🏻🙏🏻海膽味增豆腐配白栗米 - 豆腐加入海膽同味增…呢個配搭好新鮮…豆腐個豆味好香…同海膽, 味增又好夾。加埋三文魚籽更加鮮味。白栗米季節…好爽甜長崎生蠔 - 生蠔肥美鮮甜…配埋個酸汁jelly一齊食…一d都唔漏鰹魚 - 呢款魚配左酸汁,薑蓉,蔥同海帶火炙拖羅 -呢個師父用左火炙…燒到油香出哂黎…再用紫蘇葉同紫菜包住食。紫菜好脆…紫蘇葉可以減去油膩感…拖羅入口鬆化無筋。成個配搭好正磯煮鮑魚 - 個炆蘿蔔好甜又無渣…鮑魚煮得好腍又唔會無左咬口茶碗蒸 - 有蟹肉, 生文魚籽, 瑤柱…蒸時間拿捏好準確…好滑甘鯛立鱗燒 - 呢件好好味…魚鱗燒到好脆…魚又滑配菠菜汁一齊食真鯛 - 加左新鮮柚子好refreshing深海池魚 - 口感爽身千葉縣 金目鯛 - 油香重鮫鰈魚 - 火炙裙邊位 魚味幾濃北海道帶子 - 鮮甜軟糯北寄貝 - 呢個好爽…比平時食到紅白色既好味好多甜蝦 - 大隻…爽口…鮮甜…再慢慢
omakase包括2個前菜…4款刺身…2個熟食…之後仲有18件壽司。食完仲可以免費追加(記住除左海膽呀)
我唔客氣啦🙏🏻🙏🏻🙏🏻
海膽味增豆腐配白栗米 - 豆腐加入海膽同味增…呢個配搭好新鮮…豆腐個豆味好香…同海膽, 味增又好夾。加埋三文魚籽更加鮮味。白栗米季節…好爽甜
長崎生蠔 - 生蠔肥美鮮甜…配埋個酸汁jelly一齊食…一d都唔漏
鰹魚 - 呢款魚配左酸汁,薑蓉,蔥同海帶
火炙拖羅 -呢個師父用左火炙…燒到油香出哂黎…再用紫蘇葉同紫菜包住食。紫菜好脆…紫蘇葉可以減去油膩感…拖羅入口鬆化無筋。成個配搭好正
磯煮鮑魚 - 個炆蘿蔔好甜又無渣…鮑魚煮得好腍又唔會無左咬口
茶碗蒸 - 有蟹肉, 生文魚籽, 瑤柱…蒸時間拿捏好準確…好滑
甘鯛立鱗燒 - 呢件好好味…魚鱗燒到好脆…魚又滑配菠菜汁一齊食
真鯛 - 加左新鮮柚子好refreshing
深海池魚 - 口感爽身
千葉縣 金目鯛 - 油香重
鮫鰈魚 - 火炙裙邊位 魚味幾濃
北海道帶子 - 鮮甜軟糯
北寄貝 - 呢個好爽…比平時食到紅白色既好味好多
甜蝦 - 大隻…爽口…鮮甜…再慢慢咀嚼口感變軟糯
鰆魚 - 用左火炙方法 肉質好腍 入口即溶
魷魚 - 呢個好味…加入岩鹽火炙…爽口唔韌…加入鹽吊左鮮味
吞拿魚赤身
中拖羅 - 呢個真正入口即溶
間白 - 魚油豐富…魚味又濃
宮城劍魚腩 - 質感好有嚼頭…同平時食到既好唔同
鯖魚 - 呢度用火炙處理…原全無左鯖魚腥味
鰤魚 - 經過熟成魚味特別濃郁
左口魚 - 火炙 好重油香…入口即溶
北海道馬糞海膽 - 呢個好好味…好濃海膽味又鮮甜…
穴子 - 魚味鮮甜…簡單配上鰻魚汁已經好好味
之後仲有味增湯同埋飯後甜品開心果雪糕同蜜瓜。個人喜歡開心果雪糕…唔會太甜…又香開心果味…入面仲加入開心果仁碎…蜜瓜其實都好味…又甜又爽口。
真心唔追加已經好飽…不過實在太好味…所以師奶心態都追加多幾件壽司…可惜海膽無得追加
呢餐非常滿足…除左食物有質素外…服務都非常好…佢地介紹支sake又好飲又唔貴…每一度菜都細心介紹做法。
下次會準備充足d…希望食多幾件壽司就更加超值
張貼
