影片
更多
2019-04-17
520 瀏覽
同表姐食餐預祝生日飯 當然日本菜係首選佢話想試下Omakase廚師發辦 相信廚師嘅選擇店員服務好貼心 會先問有無對食材過敏 然後就為每人送上前菜三味 冰頭 即三文魚鼻樑 有咬感 酸酸地 開胃最啱汁煮東風螺 食落有嚼勁 醬汁入味之餘食到鮮味生桃細細粒果甜強勁 水雲我最鍾意食貪佢滑嘟嘟之後就到頭盤北海道處女蠔 總其兩大隻師傅話因為係處女海捕獲 所以又叫處女蠔右邊蠔經過10秒熱水沖𤆥 形成半生熟狀態三文魚籽加香蔥鋪面 仲有少少啫喱食到結實肉質又食到生蠔口感 入口滑溜 口腔會留有一股甜香 好新鮮嘅食法左邊係原汁原味新鮮生蠔 肥美厚肉 口感creamy 食用前先滴入青檸汁 aftertaste有淡淡海水味師傅教我地先試生後食熟 原來有次逐 好有學問繼而開始食真鯛 分兩種口味 卷狀珍鯛內捲蘿白苗 牙蔥 加上岩鹽而珍鯛片就可以配伴碟嘅小菊花 玫瑰花 小昆布平日大多數伴酸汁 柚子汁 或青檸汁 三款輪流供應到我最愛嘅拖羅三文治 紫菜夾拖羅及紫蘇葉 添加岩鹽 wasabi莖 增加味道層次 厚切大拖羅 細緻油脂滲透魚油 幸福感大大提升師傅話要清一清味蕾然後到熟食部份先食冰菜 咬落去沙沙聲 爽脆而且面層冰點
佢話想試下Omakase廚師發辦 相信廚師嘅選擇
店員服務好貼心 會先問有無對食材過敏
然後就為每人送上前菜三味
冰頭 即三文魚鼻樑 有咬感 酸酸地 開胃最啱
汁煮東風螺 食落有嚼勁 醬汁入味之餘食到鮮味
生桃細細粒果甜強勁 水雲我最鍾意食貪佢滑嘟嘟
之後就到頭盤北海道處女蠔 總其兩大隻
師傅話因為係處女海捕獲 所以又叫處女蠔
右邊蠔經過10秒熱水沖𤆥 形成半生熟狀態
三文魚籽加香蔥鋪面 仲有少少啫喱
食到結實肉質又食到生蠔口感 入口滑溜
口腔會留有一股甜香 好新鮮嘅食法
左邊係原汁原味新鮮生蠔 肥美厚肉 口感creamy
食用前先滴入青檸汁 aftertaste有淡淡海水味
師傅教我地先試生後食熟 原來有次逐 好有學問
繼而開始食真鯛 分兩種口味
卷狀珍鯛內捲蘿白苗 牙蔥 加上岩鹽
而珍鯛片就可以配伴碟嘅小菊花 玫瑰花 小昆布
平日大多數伴酸汁 柚子汁 或青檸汁 三款輪流供應
到我最愛嘅拖羅三文治 紫菜夾拖羅及紫蘇葉
添加岩鹽 wasabi莖 增加味道層次
厚切大拖羅 細緻油脂滲透魚油 幸福感大大提升
師傅話要清一清味蕾然後到熟食部份
先食冰菜 咬落去沙沙聲 爽脆而且面層冰點 似是而非
時令之果士多啤梨鮮紅甜入心 果茄多汁帶甜
食完果然口腔同味蕾都煥然一新
熟食係燒新鮮鯖魚搭柚子汁 魚味重 魚肉柔滑軟腍
一啲都唔乾身 魚油依然夾雜魚肉之中
輪到手握壽司部份 全晚嘅高潮位
師傅先介紹自家製醃羅白頭同回甘嘅薄切沖繩苦瓜
旁邊仲有蕎頭 牛蒡 酸薑
第一件壽司係新鮮活赤貝以魚子醬點綴
製作過程當中師傅已為壽司搽上醬油
橙紅色活赤貝肉質爽厚 帶光澤
第二件係細池魚 相對其他 油份較少
加上薑蓉香蔥 增香除腥
第三件輕輕火炙過嘅銀雪魚搭上松蓉醬 炸蔥絲
口感上有啲似拖羅 魚油豐富 肉嫩細滑
第四件火炙金目鯛 係日本五大名魚之一
再配魚子醬 辣椒絲 更顯矜貴
鮮紅魚皮 魚肉呈粉紅而且被魚油包圍 肉質柔軟甘香
第五件北海道馬糞海膽灑上梅鹽
海膽色澤金黃 質地乾身又顆粒分明
慢慢流入喉嚨滲透咸蛋黃香 最令我回味
享受完師傅所整嘅壽司 飲番碗大蜆清湯
內有柚子絲 豆腐 清新爽口 蜆肉鮮甜有肉
飲完個胃仔暖笠笠 好舒服
原來仲有甜品食 精緻櫻花和菓子 紅豆涵料
淡淡甜香 煙韌口感 睇得又食得
黑糖奶凍 奶凍滑Q彈混合香甜黑糖 好食
最後嘅抹茶茶味濃郁 幫助清化更解油膩感
今餐真係好滿足 高級食材配合師傅嘅專業
優質服務加上舒適環境 令我地食得安心又放心
希望到我生日表姐都可以請番我去呢度食😂
張貼
