影片
更多
2023-03-20
69 瀏覽
Omakase嘅魅力在於你永遠唔知下一道佳餚會係咩🤤但你知道 每一道都會帶俾你驚喜同享受😌加上一絲不苟嘅服務🙆🏻♂️係柔軟舒適嘅座位上欣賞師傅嘅手藝🙆🏻♀️哩啲都係平時難以享受嘅體驗🥰亦係omakase嘅精粹！但如果要享受到上面所講嘅體驗🤔選擇餐廳必須要揀有口碑有資歷嘅餐廳先做得到！今次係同男朋友第一次食omakase💁🏻♀️經我細心挑選下😊揀左開業6年嘅壽司店！作為一間有資歷嘅餐廳CP值實在唔錯👍🏻晚餐$1100左右有齊12貫壽司🍣一款手卷🍥一款和食加埋前菜🥗湯🍵同甜品🍬前菜：溫室蕃茄加醋昆布🍅剝左皮嘅溫室蕃茄特別鮮甜！而且醋昆布幫助提鮮✨令到蕃茄更加出色😍熟螢光魷魚配柚子醬個感覺好特色🦑第一次食嘅螢光魷魚口感柔軟😳加埋師傅特製嘅柚子醬😋食落特別清爽！再加埋磯粒貝食落貝香十足💯作為一份前菜非常出色👍🏻伴菜：Side dish 有wasabi漬山藥💁🏻♀️食落爽脆兼且特別有wasabi香！wasabi香而不哽🤔配上手握壽司一齊食幾特別😋醬油漬牛蒡係男朋友好鐘意嘅一道菜😎話佢食落有淡淡藥材香😌好清新！加埋醬油香唔會太咸🤪喺壽司同壽司中間食 用黎清新口腔都非常夾！我用嚟清口腔嘅係壽司姜🫚辣
今次係同男朋友第一次食omakase💁🏻♀️經我細心挑選下😊揀左開業6年嘅壽司店！作為一間有資歷嘅餐廳CP值實在唔錯👍🏻晚餐$1100左右有齊12貫壽司🍣一款手卷🍥一款和食加埋前菜🥗湯🍵同甜品🍬
前菜：
溫室蕃茄加醋昆布🍅剝左皮嘅溫室蕃茄特別鮮甜！而且醋昆布幫助提鮮✨令到蕃茄更加出色😍熟螢光魷魚配柚子醬個感覺好特色🦑第一次食嘅螢光魷魚口感柔軟😳加埋師傅特製嘅柚子醬😋食落特別清爽！再加埋磯粒貝食落貝香十足💯作為一份前菜非常出色👍🏻
伴菜：
Side dish 有wasabi漬山藥💁🏻♀️食落爽脆兼且特別有wasabi香！wasabi香而不哽🤔配上手握壽司一齊食幾特別😋醬油漬牛蒡係男朋友好鐘意嘅一道菜😎話佢食落有淡淡藥材香😌好清新！加埋醬油香唔會太咸🤪喺壽司同壽司中間食 用黎清新口腔都非常夾！我用嚟清口腔嘅係壽司姜🫚辣得黎夠晒清新 啱晒我口味！
壽司 - 12貫
1. 北海道產帆立貝壽司
食落帆立貝超級軟糯鮮甜😋加上幾滴嘅酸橘汁🍊令到鮮甜中間有橙香味滲出😌甜而不膩 非常特別！
2. 春子鯛壽司
春子鯛其實即係bb真鯛👶🏻肉質比一般真鯛更鬆軟😋師傅好有巧思係上面加左dd柚子皮🍊令成件壽司更加清新✨
3. 疣鯛壽司
疣鯛肉質好爽身😬食落好新鮮！但最特別係師傅加左少些薑葱蓉係上邊🌱刺身嘅鮮加上薑蔥蓉嘅香氣真係無懈可擊💥
4. 左口魚壽司
師傅將魚油最豐富嘅魚邊燒過之後🤤夾喺刺身同飯中間↔️食落除左有火炙嘅香烤味之外🔥油香特別重🤤係男朋友最鐘意嘅壽司之一！
5. 赤貝壽司
✨新鮮嘅赤貝超大隻勁新鮮！師傅拎出黎個時仲有輕微郁動😳食落肉質好爽甘！咁濃味爽身嘅新鮮赤貝真係第一次食到👍🏻正！
6. 白蝦壽司
白蝦係富沙灣特產🦐一舊壽司由好多隻細蝦揑成！外形似櫻花蝦嘅佢地雖然細隻但隻隻都挑晒蝦腸😳足見師傅手工👍🏻而且白蝦食落去肉質軟糯超級鮮甜🤤係我最鐘意嘅壽司之一💯
7. 梭子魚壽司
梭子魚又名竹簽魚🥢師傅用火炙將魚皮油香帶出🔥令魚油滲落魚肉令成舊魚更香更甜🤤
8. 金目鯛壽司
黎自千葉縣嘅金目鯛🐟佢嘅油份比其他金目鯛更重更香！成塊刺身油潤光亮✨肉質細嫰甘甜🍬油份飽滿 非常高質👍🏻
9. 縞蝦壽司
作為北海道3大名蝦之一🦐跟牡丹蝦同葡萄蝦齊名嘅佢幾鮮甜就唔使多講😎但師傅為左加重佢嘅鮮味香味🤤特意將蝦膏燒香🔥蝦膏燒完特別香！加埋甜度非常高嘅蝦肉😋成舊壽司香！糯！鮮！甜！全部齊晒 諗起都流晒口水🤤
10. 長崎中拖壽司
雖然係中拖但係油份都仍然十分豐富😆3片中拖疊埋一齊感受3倍油香😌入口即溶 順滑喉嚨🤤果然新鮮好味！
11. 赤馬糞海膽壽司
海膽新鮮係即日送到🤤入口超級鮮甜！係我人生中食過數一數二最鮮甜嘅海膽👍🏻而且師傅舖滿滿成舊壽司😆身為海膽腔嘅我食完認真想再encore😋
12. 三文魚籽壽司
醃漬過嘅三文魚籽超大粒😳粒粒都爆汁🌊而且因為用清酒醃漬過！除左冇腥味之外😋仲多左酒香味同甜味🍶食落好香濃！
和食 - 烤深海池魚
魚皮烤到十分香脆😳肉味既香且濃！再配上紫薑牙嘅淡淡香味😌整道和食都十分搶眼👀
手卷
手卷用馬糞海膽 、三文魚籽、吞拿魚蓉卷成！材料豐富到滿瀉🤤而且3樣食材都非常鮮味！加埋一齊嘅combo真係好濃郁😋作為主食嘅結尾真係啱啱好👍🏻
湯
初頭以為係一般味噌湯😳但飲落先知內有乾坤！熱熱嘅味噌湯飲落唔咸不但之仲有淡淡甜味🍬食完壽司飲返呢個味噌湯成個感覺好舒服🤤
甜品
甜品有自家製黑糖蕨餅、褔岡士多啤梨🍓同鮮忌廉奶油泡芙！最突出嘅係黑糖蕨餅👍🏻煙韌嘅蕨餅唔會太甜而且超順滑🤪好容易就sir入喉嚨😋用作大滿足晚餐嘅ending一啲都唔失色💯
🐹我同🦭男朋友第一次食omakase可以食到咁高質嘅舖頭真係好開心❤師傅喺成個set都好有巧思👍🏻欣賞佢中間嘅刀工🔪同手藝👐🏻真係大飽眼褔👀✨又大大大滿足口福😋
張貼
