鮨川 (已結業)

又係lunch omakase嘅時侯，今次呢間lunch set都幾多選擇，如果想試多d唔同日本料理，可以試下迷你會席，但今日我地都係想食下壽司，所以點左特上十二貫手卷御膳 ，價錢$358，都唔算貴。前菜 - 熟呑拿魚沙律+黃瓜熟呑拿魚作為前菜有d鯹，但個沙律同黃瓜都幾清新，令人開胃d茶碗蒸蛋左口魚 - 加左柚子汁，令魚味更鮮間白 - 加左柚子胡椒，所以有少少辣油甘魚 - 魚嘅表面有一層油，完全感受到有幾肥美，但食落又無乜油味帶子 - 雖然幾肥幾新鮮，但有少少雪味真鯛 - 好有鮮味池魚 海膽 - 好大舊海膽，可惜我覺得唔夠鮮甜，不過不失啦牡丹蝦 - 師傅加左辣椒粉喺面，都幾特別深海池魚 - 加埋黑松露，味道絕對係一流，加上深海池魚本身都爽甜，所以係唔錯嘅金目鯛 - 炙燒處理左嘅金目鯛好香灸燒味赤綠 - 第一次食赤綠，口感好淋，入口即溶 呑拿魚 - 脂肪唔算多，但都好肥美好厚手卷 -呑拿魚溶加左千本漬同蘿蔔，好有口感好好食整體黎講呢度omakase不過不失，服務都唔算差，略嫌上壽司速度過快（完左一件即刻食第二件）。