影片
更多
2021-08-29
1744 瀏覽
同阿媽第一次去食 Omakase lunch，因為之後會去沙田文化博物館，所以揀一間附近嘅餐廳試吓，咁喺石門呢間嘅鮨釧啱晒，所以就撞下手神睇吓佢有冇位啦，估唔到又真係有喎，咁我即刻online book咗啦，但之後收到email先知原來要比$200訂金，我猶豫咗一陣俾唔俾好，因為咁易book嘅Omakase 好似有啲伏，但係之後餐廳小姐打嚟，話要喺晚上八點前交訂金，如果唔係就取消訂位，咁我唯有訂啦。我哋12點準時到，餐廳裏面只有九個吧枱位，其實有啲迫，但好彩佢哋安排咗近牆邊嘅位俾我哋，比較闊落啲。之前已經知佢哋餐牌得三款餐可選擇，咁我哋揀咗葵➕彩，但之後發覺其實幸➕彩比較好，因為嗰三款魚生要加$100其實唔係好抵。就係呢三款其實都係基本嘢，不過不失咁啦，呢款前菜，水雲➕山藥➕海膽豆腐➕三文魚子，冇咩特別呢個金目鯛壽司幾好食呢款海膽墨魚呢款係拖羅壽司，只有葵同幸至有，我俾咗阿媽食，佢話有渣喎😂呢款馬糞海膽軍艦同上都係只有葵同幸有，有兩件海膽都好足料呢款穴子兩食，燒得幾香幾好食呢款睇戲好似牛肉嘅壽司，其實係吞拿魚嘅面珠登用火槍燒熟，幾重油香幾好食最後嘅甜品係青檸啫喱➕蜜瓜，本來應該係蛋糕，
我哋12點準時到，餐廳裏面只有九個吧枱位，其實有啲迫，但好彩佢哋安排咗近牆邊嘅位俾我哋，比較闊落啲。
之前已經知佢哋餐牌得三款餐可選擇，咁我哋揀咗葵➕彩，但之後發覺其實幸➕彩比較好，因為嗰三款魚生要加$100其實唔係好抵。
就係呢三款其實都係基本嘢，不過不失咁啦
，
呢款前菜，水雲➕山藥➕海膽豆腐➕三文魚子，冇咩特別
呢個金目鯛壽司幾好食
呢款海膽墨魚
呢款係拖羅壽司，只有葵同幸至有，我俾咗阿媽食，佢話有渣喎😂
呢款馬糞海膽軍艦同上都係只有葵同幸有，有兩件海膽都好足料
呢款穴子兩食，燒得幾香幾好食
呢款睇戲好似牛肉嘅壽司，其實係吞拿魚嘅面珠登用火槍燒熟，幾重油香幾好食
最後嘅甜品係青檸啫喱➕蜜瓜，本來應該係蛋糕，但因為我對奶製品敏感，所以餐廳專登為我改咗個蜜瓜，呢度好細心值得加分。
其實中間仲有兩款手卷，火炙鰈魚同剁碎吞拿魚，味道唔錯，但因為係用手食所以就冇影相啦。仲有一碗海鮮湯，但其實只有海帶，味道係蕃茄麵豉湯，冇咩特色。
總括嚟講，呢個係 Omakase 嘅入門版，咁你當然唔可以同天鮨比，但我覺得用呢個價錢其實係值嘅。特別女店員嘅服務質素值得一讚。
張貼
