楽壽司 (已結業)

今晚同朋友慶祝生日，知道佢鍾意食日本野，就帶佢去咗呢間餐廳食， 我哋兩個都order咗 <<壽司盛合 Deluxe Sushi>>，$368一個set有齊前菜、9款壽司、湯同甜品🍮，都幾經濟實惠！門面好靚，樓底超高，裝修好有格調！頭盤係雜菜沙律，同埋冰頭，即係三文魚嘅鼻樑軟骨位，口感爽脆，師傅預先用醋醃製過，酸酸地，好開胃😋！師傅會將一件件壽司放喺呢到，我哋再自己夾返自己隻碟食！😋師傅會因應各種壽司而作適當調味，可以突出食材原本嘅鮮味！第一件壽司：鳥貝口感相當柔軟，本身味道係比較淡嘅，所以師傅簡簡單單咁用咗豉油調味！😋第二件壽司： 北海道活帶子個表面搽咗少少柚子皮，再用岩鹽調味，幾清新！ 😋第三件壽司： 赤蝦配黑魚子醬，赤蝦膠質好重，食落有漿住漿住嘅感覺，而黑魚子醬偏咸，兩者加埋味道鮮明！😋第四件壽司： 毛蟹肉+蟹膏+蟹好，好鮮甜！😋第五件壽司： 太刀魚用咗柚子胡椒調味，所以有少少辣😋師傅燒一燒個面，更加香口！ 第六件壽司： 銀魚加上咗 wasabi漬物，魚味夠晒出！第七件壽司： 拖羅，睇相都知油脂夠晒豐富~~~第八件壽司： 左口魚裙邊，輕燒嘅左口魚配上