影片
更多
2018-03-22
1092 瀏覽
為慶祝朋友生日，今晚專程book咗一間新開業嘅日本高級餐廳食晚飯。由於一心想點Omakase，當然選擇坐吧枱比較好，可以直接同師傅溝通，近距離了解佢用咩新鮮食材去製作料理。入座後，侍應隨即送來一杯嬉野茶。嬉野茶絕對不能忽視，因為水是佐賀直送，佐賀水泡出來嘅茶清香味濃，加上侍應話所有杯及碟等用具都來自日本具代表性瓷器「有田燒」工藝，真係「嘩」一聲！好似身處日本咁，正！Omakase由前菜、刺身到主食及甜品，一共有九道。歷時兩個小時，我同朋友可以一邊傾計，一邊慢慢品嚐美食，感覺relax！燒魚乾雖然唔知係咩魚，但燒得脆口，連魚頭都可以食，令食慾大增。武雄芫茜沙律一般芫茜我同朋友都麻麻，但武雄芫茜外表雖似一般芫茜，不過入口口感卻不同，比較爽脆，味道亦較淡及清，配少少檸檬汁加橄欖油，好好味。生蠔、帶子、油甘魚及拖羅厚切大拖羅肥美油脂豐富，入口充滿油香。帶子一開二都仲係珍寶size，鮮甜美味，生蠔係偏爽口的，一試傾心。森林蘆筍及羽根蒜頭天婦羅侍應話蘆筍當造，種植時早、晚都可以收割一次，怪不得爽脆嫩口。蒜頭亦好特別，有莖有根，以天婦羅方式炸完，香口鬆化。三瀨雞肉串燒簡單原汁原味嘅雞串，我配上少許鹽
入座後，侍應隨即送來一杯嬉野茶。嬉野茶絕對不能忽視，因為水是佐賀直送，佐賀水泡出來嘅茶清香味濃，加上侍應話所有杯及碟等用具都來自日本具代表性瓷器「有田燒」工藝，真係「嘩」一聲！好似身處日本咁，正！
Omakase由前菜、刺身到主食及甜品，一共有九道。歷時兩個小時，我同朋友可以一邊傾計，一邊慢慢品嚐美食，感覺relax！
燒魚乾
雖然唔知係咩魚，但燒得脆口，連魚頭都可以食，令食慾大增。
武雄芫茜沙律
一般芫茜我同朋友都麻麻，但武雄芫茜外表雖似一般芫茜，不過入口口感卻不同，比較爽脆，味道亦較淡及清，配少少檸檬汁加橄欖油，好好味。
生蠔、帶子、油甘魚及拖羅
厚切大拖羅肥美油脂豐富，入口充滿油香。帶子一開二都仲係珍寶size，鮮甜美味，生蠔係偏爽口的，一試傾心。
森林蘆筍及羽根蒜頭天婦羅
侍應話蘆筍當造，種植時早、晚都可以收割一次，怪不得爽脆嫩口。蒜頭亦好特別，有莖有根，以天婦羅方式炸完，香口鬆化。
三瀨雞肉串燒
簡單原汁原味嘅雞串，我配上少許鹽，已經夠惹味。
西京燒魚：
西京燒其實係醬料名稱，主要用白味噌做成醃料。由於品嚐肉魚時，味道好濃郁，所以我估廚師應該醃漬咗一段時間先再燒烤，令魚表面呈金黃。
角煮豚肉：
侍應告知是金星豚，肉質特別鬆軟，加上脂肪分布均勻，肥瘦適中，係日本當地最頂級的豚肉之一。加上上菜前炙燒一下，更加香口肥味美。
三瀨雞濃湯豆乳製麵：
用走地雞及豆乳煲湯，味道濃郁，令淡味嘅麵吸收曬濃湯。
白酒配蕃茄
呢個甜品好有驚喜。未食前，完全諗唔到蕃茄點做甜品。但原來用白酒嘅香味(已蒸發酒精)配上甜度有18%以上嘅蕃茄，竟然可以絶配。
一個出色嘅Omakase，不僅係一種味道，更係一種氣氛，一種感受。我同朋友離開餐廳時，經理及侍應更一同90度鞠躬歡送我同朋友直至𨋢門關上為止，咁好嘅服務只有之前去日本旅行先經歷到。好窩心！
張貼
