影片
更多
2022-07-27
59 瀏覽
🍣銅鑼灣人氣Omakase🍣7月天氣咁熱最好就係食壽司，與其食啲普通既壽司不如豪少少食omakase，朋友推介我試呢間位於銅鑼灣永光中心既壽司櫻，記得預早訂位呀，好食既omakase通常都無得walk-in架😌Omakase Gin ($1280)🍣先付三盛先食開胃既前菜，有絹豆腐加蟹肉蟹膏、磯煮鮑魚同水雲，絹豆腐豆味濃郁，配埋蟹肉蟹膏口感層次更豐富，磯煮鮑魚煮到好入味，鮑魚夠哂腍滑，水雲好滑又開胃🍣開胃小食食完先付之後師傅就比啲開胃小食我地，全部都係自家製既，有柚子蘿蔔、鹽水青瓜同牛蒡漬，最欣賞佢個牛蒡，食落唔會有渣💯🍣刺身三種盛準備開始今晚既Omakase之旅啦，打頭陣既有蜜柑鯛配梅子汁，蜜柑鯛薄切，食落有啖啖蜜柑既清香，最特別既係佢個梅子汁，酸酸甜甜好開胃🐠深海池魚兩食一次過食哂兩款口味既池魚，背部加上麥粒麵豉，鹹鹹地帶出魚既鮮味，腩位用炙燒，加上少許礦物鹽調味，好滿足🥰🐠手釣池魚師傅將手釣池魚切粒，加入薑蔥蒜、芝魔、魚露、茗荷一齊拌勻，酸香四溢又不會蓋過池魚本身的魚油香味🐚新鮮帆立貝接住落黎就係新鮮帆立貝，用香脆既紫菜包住爽彈既帆立貝，搽上昆布海膽豉油，面頭加埋魚子醬，矜貴之餘
7月天氣咁熱最好就係食壽司，與其食啲普通既壽司不如豪少少食omakase，朋友推介我試呢間位於銅鑼灣永光中心既壽司櫻，記得預早訂位呀，好食既omakase通常都無得walk-in架😌
Omakase Gin ($1280)
🍣先付三盛
先食開胃既前菜，有絹豆腐加蟹肉蟹膏、磯煮鮑魚同水雲，絹豆腐豆味濃郁，配埋蟹肉蟹膏口感層次更豐富，磯煮鮑魚煮到好入味，鮑魚夠哂腍滑，水雲好滑又開胃
🍣開胃小食
食完先付之後師傅就比啲開胃小食我地，全部都係自家製既，有柚子蘿蔔、鹽水青瓜同牛蒡漬，最欣賞佢個牛蒡，食落唔會有渣💯
🍣刺身三種盛
準備開始今晚既Omakase之旅啦，打頭陣既有蜜柑鯛配梅子汁，蜜柑鯛薄切，食落有啖啖蜜柑既清香，最特別既係佢個梅子汁，酸酸甜甜好開胃
🐠深海池魚兩食
一次過食哂兩款口味既池魚，背部加上麥粒麵豉，鹹鹹地帶出魚既鮮味，腩位用炙燒，加上少許礦物鹽調味，好滿足🥰
🐠手釣池魚
師傅將手釣池魚切粒，加入薑蔥蒜、芝魔、魚露、茗荷一齊拌勻，酸香四溢又不會蓋過池魚本身的魚油香味
🐚新鮮帆立貝
接住落黎就係新鮮帆立貝，用香脆既紫菜包住爽彈既帆立貝，搽上昆布海膽豉油，面頭加埋魚子醬，矜貴之餘更係鮮味十足
🐠櫻花木煙燻鰹魚
店員預先叫我地拎定手機拍片，用玻璃罩蓋住鰹魚即場用櫻花木煙燻，鰹魚配埋紫蘇葉，魚味濃郁
舞茸清湯
食完幾款刺身飲返杯舞茸清湯，清一清口腔食主食同壽司🍣
🐖沖繩豬手
今日既主食係沖繩豬手，賣相好精緻，豬手煮到好腍好入味😋😋😋
🍣壽司8貫
🐠蜜柑鯛
頭先食完蜜柑鯛刺身，而家食埋佢既壽司，雪白既魚身配埋壽司醋飯，口感清新
🐠鮫鰈魚
師傅先將鮫鰈魚魚邊炙燒，配埋白象拔蚌膽豉油，上面放上魚肝同鹽昆布，多重口感，層次豐富
🐠金目鯛
金目鯛豐腴既魚油配上象拔蚌醬油，用既係新鮮象拔蚌烹製而成，加埋木之芽一次食，正💯
🐠魴鮄魚
魴鮄魚肉質紮實，味道清甜，配埋辣辣地既四季紅同龍蝦膏，誠意之作，好食😋
🐠真鯖魚
鯖魚鋪上醋漬白昆布，配埋法國原粒芥末同黑松露醬，西日合壁幾特別🥰
🍣拖羅
厚切既拖羅肉經過炙燒，加上脆卜卜既櫻花蝦，用紫菜包住一齊食真係好正😋
🥣汁物: 鮮魚湯
用大量海魚骨熬製而成既鮮魚湯，只用胡椒粉調味，魚味香濃而且含有豐富既骨膠原，誠意之作❤️
🍣海膽杯
最後以呢個賣相高貴又好食既海膽杯作結，海膽鮮甜，口感順滑，用上自家醃製筋子，富山灣白蝦灑上烏魚子粉，口感爽彈，大滿足😍😍😍
張貼
