影片
更多
2019-02-16
3132 瀏覽
今日同友人黎食lunch嘅omakase，因為貪佢會比夜晚食平，不過呢度lunch嘅omakase都唔算平，計埋加一每人都要$1300到。呢間omakase唔算係我食過最好食嘅，因為overall 食材唔算係最有鮮味，但勝在夠多樣化同花臣。一黎到就巳經比佢嘅環境吸引住，bar枱對住大玻璃，好開揚好舒服嘅感覺。金針菜串燒 - 好清新而且唔油膩，作為前菜算係幾開胃螢光魷魚串燒 - 第一次食熟嘅螢光魷魚，我自己唔太喜歡食到頭入面熟左嘅肉，有d腥同奇怪海膽豆腐 (右) - 豆腐好甜好好味，反而個海膽我覺得唔算新鮮，雖然唔腥但無甜味，配合個醋汁酸酸地先帶返少少鮮味出黎魚子醬白蝦 (左) - 其實個白蝦無咩味，但配合個鹹鹹地又甜甜地嘅caviar，即刻好味左！梅酒蕃茄 (中)深海池魚 (左) - 加左葱之後好refreshing，唔加豉油都得，都好鮮肝醬剝皮魚 (中) - 雖然師傅話個肝醬冇乜味，不過加咗少少豉油之後，配合埋個剝皮魚一齊食，鹹鹹地好好食，個豉油亦唔會搶左剝皮魚本身嘅鮮味，算係我成個omakase入面最喜愛嘅頭三位！燒金目鯛 (右下) - 雖然燒得幾好食，但奈何可能等得太耐，凍左
一黎到就巳經比佢嘅環境吸引住，bar枱對住大玻璃，好開揚好舒服嘅感覺。
金針菜串燒 - 好清新而且唔油膩，作為前菜算係幾開胃
螢光魷魚串燒 - 第一次食熟嘅螢光魷魚，我自己唔太喜歡食到頭入面熟左嘅肉，有d腥同奇怪
海膽豆腐 (右) - 豆腐好甜好好味，反而個海膽我覺得唔算新鮮，雖然唔腥但無甜味，配合個醋汁酸酸地先帶返少少鮮味出黎
魚子醬白蝦 (左) - 其實個白蝦無咩味，但配合個鹹鹹地又甜甜地嘅caviar，即刻好味左！
梅酒蕃茄 (中)
深海池魚 (左) - 加左葱之後好refreshing，唔加豉油都得，都好鮮
肝醬剝皮魚 (中) - 雖然師傅話個肝醬冇乜味，不過加咗少少豉油之後，配合埋個剝皮魚一齊食，鹹鹹地好好食，個豉油亦唔會搶左剝皮魚本身嘅鮮味，算係我成個omakase入面最喜愛嘅頭三位！
燒金目鯛 (右下) - 雖然燒得幾好食，但奈何可能等得太耐，凍左，即刻扣左d分
海螺+海帶 (右上) - 海螺係新鮮，但個海帶有d乾
縞蝦 - 縞蝦加左蝦膏同用醋整成嘅啫喱撈埋一齊，令到個蝦好清甜，加上縞蝦本身都好清爽好有彈性
紫葉葉紫菜吞拿魚 - 嘩！個賣相絕對係贏唒，厚厚一大塊吞拿魚十分肥美，不過我唔太鍾意紫蘇葉
吉列鮑魚 (碗內) - 雖然個吉列炸得好脆個鮑魚都好彈牙，但個鮑魚冇咩味
白蘿蔔+麵豉醬 (碗外) - 兩樣野加埋幾夾，作為配菜嘅佢我覺得比主菜好食
冰菜 - 幾特別嘅一道菜，第一次咁樣食菜，好爽好甜👍🏻
水八爪壽司 - 加左柚子汁酸酸地令水八爪更有鮮味
池魚壽司 - 配合左薑溶同葱，我覺得令到池魚味道減左，本身池魚自己都好夠味，唔加其他野可能更好
大吞拿魚壽司 - 我最愛嘅一味，入口即溶，好甜好肥美但唔會好膩。師傅話呢個吞拿魚係去左筋，所以好有誠意☺️
海膽壽司 - 一間日本店d魚生新唔新鮮，睇海膽就會見真章，因為海膽一雪得耐就會太凍，有種死同乾嘅感覺，同無唒甜味。雖然呢件海膽壽司賣相十分呃like，但我覺得唔夠新鮮，雖然比之前但個海膽豆腐好，但都係太冰，唔夠甜
大呑拿魚筋壽司 - 第一次食吞拿魚筋，以為係會好爽口彈牙，點知原來佢同吞拿魚一樣，係入口即溶，吞拿魚嘅油好香好肥，成個壽司好有驚喜🤩
立魚海鮮湯 - 加左蜆肉同帶子，不過不失，海鮮湯最怕有腥味，好在呢個都唔算腥
海棉蛋糕配沖繩咖啡酒 - 個沖繩咖啡酒都幾好飲，酒味唔算重，中和返海棉蛋糕嘅甜，幾好
日向下 (生果) - 第一次食呢一個生果，店員話係柚子+檸檬嘅合成品，個樣有啲似柚子，未到其實都係似柚子多過檸檬，但係食落都有檸檬嘅酸
張貼
