福丸水產 鉄板燒 日本料理 (已結業)

今日去咗荃灣川龍街百悅坊11樓嘅「福丸水產」食日本野，餐廳裝修非常日式，有好多卡位，私穩度不錯，朋友去食飯傾計慢慢坐一流👍🏻 我哋叫咗二人Omakase～ 🍣 六點刺身包括深海池魚，凡立貝，甜蝦，三文魚，左口魚，金目鯛，每一款都新鮮好味，三文魚腩超級肥美，充滿油脂，凡立貝新鮮，爽口甜美～ 🍙 特色手卷福苑特色手卷，非常新穎特別，用生菜代替紫菜包手卷，中間有一片好大塊嘅火炙三文魚，有三文魚子，有少量嘅飯，亦有炸蒜同洋蔥粒，整體口感好好，香口又好味😋🍥 鐵板南非五頭鮑鮑魚係熟嘅，燒得剛剛好，切成薄片，肉質爽口，腍身入味，正👍🏻🐟 原條燒竹之子目張第一次食竹之子目張，係白身魚，魚燒得形狀好靚，肉質鮮美，配上醬汁更好味😋🐖 九條蔥黑豚肉卷賣相精緻，小小的兩卷，黑豚肉燒得好香，九條蔥亦都好香，非常夾～ 🍤 粟米白飯魚天婦羅清楚見到白飯魚同粟米粒，口感唔錯，配合醬汁同鹽食更好味～🦀白松露甲羅燒店員會幫我地燒埋，店員介紹本身嘅蟹膏已經係煮過，半熟嘅狀態先去燒嘅，所以唔會燒到硬晒先食，仍然保持滑滑嘅口感，加上有蟹子同蛋，味道非常好，多士亦都會烘熱一齊食，最後加埋蔥喺上面，非常正😋👍🏻餐廳食物質素好，服