影片
更多
2019-12-04
391 瀏覽
尖沙咀日本料理不下百間，但質素參差不齊，要食到一間好食嘅有番咁上下難度。不過今日食嘅呢間鮨見，完全展現左唔同級數嘅日本料理。「Omakase」係日本高級料理，日文原意係「拜託了」，即係菜單由主廚全權負責，挑選當日時令材料製作佳餚，包括刺身、壽司、茶碗蒸等。我以前都食過幾間日本餐廳嘅Omakase，但係坐係大廚面前睇住佢現打現製都係第一次。大廚二見さん學藝多年，再由日本將料理帶黎香港，務求令香港人都食到日本地道風味料理。佢相當著重「溝通」，覺得廚師同客人冇交流就算唔上好嘅Omakase，所以餐廳格局夠細，務求一路食一路向客人說明料理特色。前言唔講太多，直入主題啦。打頭陣嘅係八爪魚冷盤配秘製醬汁。八爪魚仔爽口，八爪魚腳彈牙，加埋酒香味濃郁嘅醬料，甜甜地嘅味道相當開胃，作為前菜相當稱職。茶碗蒸用料豐富，有蝦、蟹、雞、菇等配料，鮮味都煮到入蛋度，每匙都有配料，食落好滿足。然後係不可或缺嘅剌身六點，味道由淺入深：櫻花鯛肉質鮮美，咬落有濃而不膩嘅鮮甜味；拖羅油香十足，入口接近即時溶化，咬落再有吞拿魚甘香後勁；深海池魚較爽口，鮮味非常霸道，一咀嚼就攻佔成個口腔；混合剌身又係另一番風味：軟滑鯛魚配上嫩
「Omakase」係日本高級料理，日文原意係「拜託了」，即係菜單由主廚全權負責，挑選當日時令材料製作佳餚，包括刺身、壽司、茶碗蒸等。我以前都食過幾間日本餐廳嘅Omakase，但係坐係大廚面前睇住佢現打現製都係第一次。
大廚二見さん學藝多年，再由日本將料理帶黎香港，務求令香港人都食到日本地道風味料理。佢相當著重「溝通」，覺得廚師同客人冇交流就算唔上好嘅Omakase，所以餐廳格局夠細，務求一路食一路向客人說明料理特色。前言唔講太多，直入主題啦。
打頭陣嘅係八爪魚冷盤配秘製醬汁。八爪魚仔爽口，八爪魚腳彈牙，加埋酒香味濃郁嘅醬料，甜甜地嘅味道相當開胃，作為前菜相當稱職。
茶碗蒸用料豐富，有蝦、蟹、雞、菇等配料，鮮味都煮到入蛋度，每匙都有配料，食落好滿足。
然後係不可或缺嘅剌身六點，味道由淺入深：
櫻花鯛肉質鮮美，咬落有濃而不膩嘅鮮甜味；
拖羅油香十足，入口接近即時溶化，咬落再有吞拿魚甘香後勁；
深海池魚較爽口，鮮味非常霸道，一咀嚼就攻佔成個口腔；
混合剌身又係另一番風味：
軟滑鯛魚配上嫩滑海膽既鮮又甜，柚子又帶Ｄ酸味中味番口感，口感多元化，單一刺身絕對做唔到呢個效果；
吞拿魚魷魚卷口感由軟至爽，吞拿魚嘅酸配上魷魚鮮甜又係絕配，加上一抹濃厚秘製鮑魚醬風味獨特，金箔再添上高級感，呢道剌身堪稱完美；
大拖羅包海膽又係另一種體驗，拖羅油脂味較重，同海膽嘅順滑鮮甜有化學作用，好似食緊有充滿油香味嘅海膽，難以形容嘅好味道。
接住落黎係考驗師傅功架嘅壽司。
壽司飯直接加入左秘製醬油，即壓即食，新鮮熱辣。九洲鱸魚軟熟可口，油香不亞拖羅，但比拖羅鮮甜，多一份清爽。鯖魚配上碎蔥同薑蓉，有少少似燒味風味，風口意外地夾；深海池魚腩極為肥美，油香冠絕，滋味濃郁；藍鰭吞拿風味較濃，口感緊緻精密，加上沙律醬，帶一種油脂以外嘅鮮香；赤貝壽司口感爽脆，較為專注鮮甜一環，帶點清新；
廣島蠔壽司更係創新，用火槍將蠔身燒到焦香半熟，壓上壽司飯，再直接放係手掌上感受其溫度，再一啖吞下，肥美蠔肉鮮甜甘香，滿足感油然而生。
三文魚子海膽杯唔使說明都知有幾滿足，大大啖三文魚子同海膽鮮味爭相而出，再配上壽司飯令口感更圓滿，係幸福嘅味道。
金目鯛魚骨湯極為濃郁，榨取哂魚骨嘅精華，每一滴都有豐富甜鮮魚香，濃而不腥，好好飲！
最後以北海道直送蜜瓜做點綴，以清爽香甜水果作結尾。
雖然價錢不菲，但係真係物有所值，頂級日式料理、貼心服務、居酒屋式氣氛，非常推薦大家黎體驗下。
張貼
