Sooshi Gold

營業中

休息中

早前大家被困在香港，知名日式廚師發辦店閒閒地收二三千元一位仍供不應求，真係唔係人人捨得食、訂得到！不過若然識得搵，又唔係完全冇平靚正的選擇。 事緣路過，俾我發現，在中環近上環威靈頓街有一家 Sooshi Gold，竟然有$988/18道的廚師發辦，價錢吸引，別期望是大師級，但質素唔錯，我覺得食得過。我尤其喜歡上半場的刺身，象拔蚌、沙甸魚磯邊煮及天婦羅白子等，鮮甜味美。不過留意一點，份量與坊間相比較細，例如壽司飯比一般少，配合現在流行少吃澱粉質的生活習慣，女仔胃足夠，是偶爾輕食之選。對於我來說，18道剛好，不過若然食22道會更滿足。 付費輕鬆、胃納不過勞，所以我為文章標題取名 Omakase 輕身吃！  木系暖色作主調，放滿酒瓶的櫃子為主要佈置。首次光顧，而且是一人鮨境，先嚐$988/18品的。 酸汁水雲晚餐由迷你水雲杯開始，一口喝下，微酸水瑩口感，不失為美好的開始。北海道象拔蚌青檸汁調味，口感爽脆味甜，回甘悠久。 一片青檸下藏著頭的部位，厚切更爆汁。 沙甸魚磯邊煮一口吃之，甜與爽之口感，沙旬魚與紫蘇葉、蘿蔔、蔥及紫菜配合，很美味。 天婦羅白子剛炸起，非常熱熨，不能心急，需要小口小口吃。