影片
更多
2022-07-03
163 瀏覽
呢間「山女魚」主打高級廚師發板同埋鐵板燒，一次過滿足兩個願望呀！餐廳環境優雅高貴，充滿藝術感，分別有壽司吧枱區同埋鐵板燒區。我就選擇咗晚餐Dinner Set $1680/位，包含咗前菜、刺身七款、壽司七貫、鐵板料理、湯品同埋甜品🍮非常之豐富呀！✨前菜✨富山縣白蝦+北海道海膽海鮮杯第一道上嘅前菜已經令人眼前一亮🤩海鮮杯上面鋪上食用金箔，奢華感滿滿！白蝦加上海膽，勁鮮甜，撈埋土佐啫喱一齊食，酸酸地好開胃～岩手縣生蠔 🦪第二道菜都相當浮誇！呢隻岩手縣生蠔勁大隻，足足要分四啖先食得完，充滿海水味又creamy，配搭蘿蔔蓉、紫蘇花同埋酸汁，味道更有層次。磯煮鮑魚配鮑魚肝醬製作過程有啲複雜，用昆布及大根最少蒸煮1小時，鮑魚唔會韌夠軟腍，鮑魚肝醬味道超特別！配搭一小口白飯撈埋啲醬佢唔好嘥～北海道帆立貝，真鯛，黑鯥三款刺身擺盤精緻，擺上食用花好靚呀～帆立貝配搭青檸皮，口味清新而又鮮甜。真鯛配上酸汁，清爽開胃。網燒黑鯥配麵豉醬，表皮帶有啲焦香，咬落油香十足。最後再來一粒山桃潰，酸酸地唔錯。日本薑注重細節，選用正宗日本薑，製作繁複，係我食過最好食嘅薑呀！唔會太辣～壽司🍣🔸深海池魚壽司芝麻及肝醬，厚切油份
我就選擇咗晚餐Dinner Set $1680/位，包含咗前菜、刺身七款、壽司七貫、鐵板料理、湯品同埋甜品🍮非常之豐富呀！
✨前菜✨
富山縣白蝦+北海道海膽海鮮杯
第一道上嘅前菜已經令人眼前一亮🤩海鮮杯上面鋪上食用金箔，奢華感滿滿！白蝦加上海膽，勁鮮甜，撈埋土佐啫喱一齊食，酸酸地好開胃～
岩手縣生蠔 🦪
第二道菜都相當浮誇！呢隻岩手縣生蠔勁大隻，足足要分四啖先食得完，充滿海水味又creamy，配搭蘿蔔蓉、紫蘇花同埋酸汁，味道更有層次。
磯煮鮑魚配鮑魚肝醬
製作過程有啲複雜，用昆布及大根最少蒸煮1小時，鮑魚唔會韌夠軟腍，鮑魚肝醬味道超特別！配搭一小口白飯撈埋啲醬佢唔好嘥～
北海道帆立貝，真鯛，黑鯥
三款刺身擺盤精緻，擺上食用花好靚呀～帆立貝配搭青檸皮，口味清新而又鮮甜。真鯛配上酸汁，清爽開胃。網燒黑鯥配麵豉醬，表皮帶有啲焦香，咬落油香十足。最後再來一粒山桃潰，酸酸地唔錯。
日本薑
注重細節，選用正宗日本薑，製作繁複，係我食過最好食嘅薑呀！唔會太辣～
壽司🍣
🔸深海池魚壽司
芝麻及肝醬，厚切油份充足又爽口
🔸赤牡丹蝦壽司
上面有燒蝦膏，好香口
🔸池魚壽司
肉質軟腍，同剛才食嘅深海池魚好唔同
🔸拖羅壽司
油香十足又無根，入口即溶！配搭紫蘇花芥末籽，味道更為豐富～
🔸白昆布saba青魚壽司卷
超特別嘅一件，食落唔會腥，仲會配青魚專用酒～
🔸醬油漬右口魚壽司
呢件係我的最愛❤️肉質好肥美，咬落去成口油，仲配搭黑松露醬，一試難忘！
鐵板燒香蔥豚肉卷
食完壽司同埋刺身之後，仲會有鐵板料理，由於我唔食牛肉，所以轉左食香蔥豚肉卷，配有炸蒜片同鹽花點埋一齊食，香口惹味！
鯛魚湯
成碗白色好似牛奶咁，勁濃郁，由鯛魚嘅精華熬製而成。
最後再來飯後甜品牛奶布丁🍮香濃軟滑，好滿足呀！
張貼
