影片
更多
2012-12-26
52 瀏覽
第一次登食評，長話短說，見某週刊介紹講到好高，即刻訂位試吓新嘢，我係食嘢嘅人，唔食環境嘅，所以嗰啲唔評論，我嗰晚叫omakase，佢有六種，分別係八百丶一千丶千二(淨壽司或淨魚生)，我兩位點了千二嗰隻但想有點魚生有點壽司，侍應話幫我安排，但問我有什麼一定要食，我已有點愕然，不是應該師父發辦嗎？然而我猜她是一番好意吧，咁我話uni同牡丹蝦啦(諗死都實有㗎啦）。點埋支sake仔，滿心歡喜等食好嘢，唔，冇啲海帶呀牛篣呀咁嘅，算啦，等咗大概五分鐘，嚟第一樣嘢，我坐喺壽司吧，咦，乜唔係喺前面嚟師父俾嘅咩，攪乜係喺後面嚟，仲一嚟就三舊壽司，白身魚，ok，我未見識過，就問師父（嗰兩句係我倆該晚第一次交談，亦係唯一一次）好少見喎，嚟壽司先嘅？佢話，你哋唔係食壽司咩，我澄清咗，佢話唔好意思，再攪過，咁我咪食嗰三舊嘢食住等啦，質素一般，wasabi當然係兩溝但粉多堅生葵少，見師父做緊嘢，有啲忙，但又冇魚生俾我嘅？我已略感不妙，再過七八分鐘，係啦....! 我瀨嘢啦! 佢成盤魚生用雪墊底上呀陰公 ! （當然又喺我後面嚟）有六種生嘢，包括鰤魚bully、左口、平貝、牡丹蝦丶吞拿及中拖羅，每樣兩三四舊不等啦除咗
點埋支sake仔，滿心歡喜等食好嘢，唔，冇啲海帶呀牛篣呀咁嘅，算啦，等咗大概五分鐘，嚟第一樣嘢，我坐喺壽司吧，咦，乜唔係喺前面嚟師父俾嘅咩，攪乜係喺後面嚟，仲一嚟就三舊壽司，白身魚，ok，我未見識過，就問師父（嗰兩句係我倆該晚第一次交談，亦係唯一一次）好少見喎，嚟壽司先嘅？佢話，你哋唔係食壽司咩，我澄清咗，佢話唔好意思，再攪過，咁我咪食嗰三舊嘢食住等啦，質素一般，wasabi當然係兩溝但粉多堅生葵少，見師父做緊嘢，有啲忙，但又冇魚生俾我嘅？我已略感不妙，再過七八分鐘，係啦....! 我瀨嘢啦! 佢成盤魚生用雪墊底上呀陰公 ! （當然又喺我後面嚟）有六種生嘢，包括鰤魚bully、左口、平貝、牡丹蝦丶吞拿及中拖羅，每樣兩三四舊不等啦除咗蝦梗係一隻，我兩個人每人一盤，我的天!! 我叫錯定佢整錯梅蘭菊竹魚生定食呢，我喺嗰兩三秒諗咗愛恩斯坦成世諗嘅咁多嘢，結果相對卵話我聽冷靜、唔好嘈、食咗佢、然後同侍應姐姐講話夠飽啦，可唔可以cut咁啲嘢食同時收順少少（即係希望佢俾俾面收一千呀八佰呀一位咁），咁佢都好好話幫我安排，但點都有幾件壽司跟住嚟，好啦，我話嗰啲熟嘢如和牛呀就唔好嚟啦，其實嗰一刻連小弟咁鐘意食魚生壽司嘅都食淨幾件梅蘭菊竹，更諻論女友？我仲要吞埋佢嗰幾舊，剛吞，侍應又從後方送上一牛一馬刺身壽司，未幾，再以蝦頭膏、劍魚及大拖壽司送我一程。
食畢，我九秒五埋單，連二百六嘅sake仔張單二千三四，唉，話平唔平話貴唔貴啦在香城嚟講，但肯定大陸早幾年好興講嘅「性價比」（性能/價格比率）一定好似我EQ咁低。看官自行判斷啦。
註：喺咁嘅情況下，我當然冇心機影相啦。但回家途中，整件事仍瀝瀝在目，縈擾腦海之際，腦中忽閃出一件海膽壽司，係喎，你去了哪呀？
張貼