影片
更多
2022-09-10
91 瀏覽
銅鑼灣勁抵食lunch omakase，本身已經唔貴，而家第二位仲有半價，真係好抵，仲要好豐富，味道都好味，難怪lunch都唔少客。我哋今次要咗$550嘅餐，已經包12件壽司😍首先係蟹肉蒸蛋，勁足料，蟹肉多到，啖啖肉好滿足。壽司12貫:沖繩嘅目仁奈，淡味啲嘅魚，不過比較肥美，上面嘅醬增加魚嘅鮮味。福岡池魚，池魚嘅味道會比較重，加入蒜蓉蔥花，好香。北海道鮫鰈魚，油份都重，不過口感偏彈牙，加入昆布，好清新。福岡伊佐木，好肥美，而且勁厚切，魚皮燒一燒，將油份逼出嚟，加埋七色芝麻，勁香口。北海道帶子，加入竹炭鹽、檸檬汁，帶子好巨型，鮮甜無比。間八，魚肉爽口，似油甘魚嘅口感，加入芥末，好香口。琵琶津魚，嗰樣好似三文魚，但係味道唔同，口感肥美，加入柚子胡椒，突顯魚嘅香味。金目鯛，用木煙醺過，有木香，外層皮燒一燒，加入昆布漬，甜甜哋辣辣哋，好香。深海赤蝦，爽口彈牙又鮮甜，加入味噌蝦膏，好香蝦味又唔會蓋過佢嘅鮮味。沖繩海鱸魚，魚油味好香，燒完加入三星漬，非常夾，外層嘅皮仲燒得好香，好味。鹿兒島中拖羅，魚味都幾重，油份亦唔輕，加入大蔥絲，好味。海膽魚子杯，今期用沖繩嘅白海膽同醃過嘅三文魚子，帶有少少酒香
首先係蟹肉蒸蛋，勁足料，蟹肉多到，啖啖肉好滿足。
壽司12貫:
沖繩嘅目仁奈，淡味啲嘅魚，不過比較肥美，上面嘅醬增加魚嘅鮮味。
福岡池魚，池魚嘅味道會比較重，加入蒜蓉蔥花，好香。
北海道鮫鰈魚，油份都重，不過口感偏彈牙，加入昆布，好清新。
福岡伊佐木，好肥美，而且勁厚切，魚皮燒一燒，將油份逼出嚟，加埋七色芝麻，勁香口。
北海道帶子，加入竹炭鹽、檸檬汁，帶子好巨型，鮮甜無比。
間八，魚肉爽口，似油甘魚嘅口感，加入芥末，好香口。
琵琶津魚，嗰樣好似三文魚，但係味道唔同，口感肥美，加入柚子胡椒，突顯魚嘅香味。
金目鯛，用木煙醺過，有木香，外層皮燒一燒，加入昆布漬，甜甜哋辣辣哋，好香。
深海赤蝦，爽口彈牙又鮮甜，加入味噌蝦膏，好香蝦味又唔會蓋過佢嘅鮮味。
沖繩海鱸魚，魚油味好香，燒完加入三星漬，非常夾，外層嘅皮仲燒得好香，好味。
鹿兒島中拖羅，魚味都幾重，油份亦唔輕，加入大蔥絲，好味。
海膽魚子杯，今期用沖繩嘅白海膽同醃過嘅三文魚子，帶有少少酒香，好好味。
昆布烏冬，好特別呀，加入啲粉狀嘅嘢，黏黏嘅口感，好特別。烏冬好幼滑，湯都好清，非常唔錯。
最後甜品揀咗開心果雪糕，顏色望落好似好淡，但係食好香好重開心果味，好好味呀，以佢嚟結束一餐，真係完美。
張貼
