鮨宏

營業中

休息中

屋企附近原來有間食omakase 嘅日式料理店，門面低調，冇留意好易睇漏眼就經過左。裏面裝修好日式，L字型bar枱，坐位唔多，等師父可以同每一個食客多啲交流。一嚟到就先上左前菜，師父仲話一陣可以伴住其實嘢一齊食。然後有又熱又滑嘅茶碗蒸，暖一暖個胃先。跟住就上主菜啦，今次嚟試吓個剌身飯先。刺身飯好大碗，舖滿哂唔同嘅刺身，師傅話全部都係選最時令最新鮮嘅食材，要由左邊嘅立魚開始逆時針咁食。十分豐富！食完刺身再比碗熱湯你暖返吓，好貼心。最後嘅甜品有cheese cake過橙味果凍，都係師傅自己製，食完cheese cake最後食返個果凍，即刻好清新。