影片
更多
2014-08-03
1129 瀏覽
筆者雖然說不上是甜魔一族，但也頗喜愛以甜品當正餐，所以在冰室吃晚飯時，知道可以點對面「壹餅房」的蛋糕甜品，大家都十分雀躍，哈哈，幾時都話，女生有兩個胃架啦！原來這些甜點只在每天下午兩點半至九點供應，細看餐牌，嘩，發現款式都唔少喎，除咗有件裝的切餅外，還有杯裝的玉露、奶凍、布甸和新出品《香芒天使》，而且售價唔算貴，只是由 $15-$22 不等，比起市面一般連鎖餅店出品還要便宜。先試這款香滑意大利奶凍 ($20)，舀起一匙入口，奶味緩緩融於口中，滑溜得來又夠芳香爽彈，不過由於味道較清淡，如果面層放些生果或果醬伴吃就更 perfect 喇。至於這杯荔枝玉露 ($20)，反而沒想象中美味，未知是否久放的關係，頂頭粒荔枝有點出水，影響了些微口感。據說這杯甜品是用了鮮荔枝打汁，再加入君度酒、亞答子等來製作，其實用料配搭非常之有創意。紐約芝士蛋糕 ($22)，筆者對芝士餅向來興趣都不大，所以只淺嚐了一口，覺得整體水準都算唔錯，起碼件蛋糕質地夠扎實、口感幼滑、味道香濃；唯一可惜是個餅底唔夠酥香鬆脆，令口感稍遜。芒果布甸 ($20) 是這晚的亮點甜品之一，成品以新鮮芒果切粒製作，入口滑嘟嘟，吃得出好足料
筆者雖然說不上是甜魔一族，但也頗喜愛以甜品當正餐，所以在冰室吃晚飯時，知道可以點對面「壹餅房」的蛋糕甜品，大家都十分雀躍，哈哈，幾時都話，女生有兩個胃架啦！
原來這些甜點只在每天下午兩點半至九點供應，細看餐牌，嘩，發現款式都唔少喎，除咗有件裝的切餅外，還有杯裝的玉露、奶凍、布甸和新出品《香芒天使》，而且售價唔算貴，只是由 $15-$22 不等，比起市面一般連鎖餅店出品還要便宜。
先試這款香滑意大利奶凍 ($20)，舀起一匙入口，奶味緩緩融於口中，滑溜得來又夠芳香爽彈，不過由於味道較清淡，如果面層放些生果或果醬伴吃就更 perfect 喇。
至於這杯荔枝玉露 ($20)，反而沒想象中美味，未知是否久放的關係，頂頭粒荔枝有點出水，影響了些微口感。據說這杯甜品是用了鮮荔枝打汁，再加入君度酒、亞答子等來製作，其實用料配搭非常之有創意。
紐約芝士蛋糕 ($22)，筆者對芝士餅向來興趣都不大，所以只淺嚐了一口，覺得整體水準都算唔錯，起碼件蛋糕質地夠扎實、口感幼滑、味道香濃；唯一可惜是個餅底唔夠酥香鬆脆，令口感稍遜。
芒果布甸 ($20) 是這晚的亮點甜品之一，成品以新鮮芒果切粒製作，入口滑嘟嘟，吃得出好足料。細問之下才知，原來布甸沒加花奶和雞蛋炮製，令芒果味更加突出，難怪味道咁天然，每杯只盛惠 $20，的確物有所值。
也試了這客栗子鮮忌廉蛋糕 ($22)，個蛋糕本身水準算唔錯，底層的海棉蛋糕，入口都幾鬆軟，不過頂頭的栗蓉忌廉，吃起來質感唔夠軟滑滋潤，而且可能現在正值炎夏，非栗子當造季節，所以面頭粒栗子，入口欠了應有的栗香和軟糯，令整件個蛋糕失色不少。
接著登場的幾件蛋糕，都是今晚亮點與推介之一，先說這件薄荷朱古力蛋糕 ($22)，上層綴以兩顆小櫻桃的薄荷朱古力忌廉，入口味道既清新又不甜膩，而底層的朱古力蛋糕，與薄荷忌廉層疊相間，賣相吸引。分了一小件來吃，一股涼快香甜感覺直湧入口，把悶熱心情一掃而空。
至於這件外形精緻的特濃朱古力慕絲 ($22)，成品用上 72% 香濃朱古力製成蛋糕及慕絲，帶出不一樣的雙重口感，而且面層的巧克力擠花及朱古力碎片，入口一點也不覺甜膩，啖啖都是朱古力的濃郁和甘香，嚐一口已即時心情靚曬，強推！
壓軸這件紅豆抹茶蛋糕 ($22)，蛋糕鬆軟細滑，抹茶味香濃，伴以粒粒軟腍的紅豆和 creamy 的忌廉，本身這個組合配搭，已經無得輸，加上整件蛋糕的甜度都非常適中，既簡單又好吃，滋味滿分！
其實除了件裝蛋糕外，「壹餅房」還有好幾款 6 吋 或 8 吋 的整個裝蛋糕發售，下次有朋友生日或大伙兒聚會，看來再不用傷腦筋四處張羅了。
張貼
