影片
更多
2018-04-18
20 瀏覽
今晚同朋友黎到銅鑼灣one more食火鍋，環境好靚，裝飾都唔錯，我地選擇左海鮮火鍋，海鮮份量按人數上菜，其他可以自己挑選！煲底係鴛鴦煲大嘅， 冬瓜白肉卜卜蜆鍋 同埋花膠螺頭藥膳雞鍋 ，兩個煲底都超足料， 我自己個人呢就畀比較喜歡呢個佈滿蔬菜嘅鍋底， 感覺上除咗健康體健康。超大個冬瓜係底呀。仲有其他嘅配菜例如番茄啦洋蔥啦等等。呢個湯底比較清淡唔會影響咗呢個海鮮嘅鮮味。呢個海鮮呢就係佢配埋嘅， 有貴妃蚌，青口， 大蝦，象拔蚌，扇貝同埋我最鍾意食嘅鮑魚呀! 望落去成大盤感覺上食曬應該都會好飽㗎喇！ 海鮮基本上都好新鮮， 好鮮味，朋友同我都好滿意！呢個係跟餐嘅配菜， 有各類嘅餃子， 例如呢有韭菜啦水餃雲吞 ，仲有豬肉丸，墨魚丸，又有芝士丸，墨魚釀豆卜，豬肉釀冬菇， 真係超多選擇呀！我覺得師父包餃子嘅手勢都超得意，每一隻都漲卜卜，我將啲餃子一批批咁樣擺落去咁，就可以每人都試哂咁多隻餃子，味道真係好唔錯。呢間火鍋店嘅響鈴真係超大條 ，食一條呢都真係已經好飽㗎喇，唔需要再追加嘅 ，有少少油， 不過真係都幾好味嘅。我仲要咗唔同嘅菜類， 有金菇，娃娃菜同埋唐生菜。 吸收多啲纖維， 平行下食左太多嘅肉類
今晚同朋友黎到銅鑼灣one more食火鍋，環境好靚，裝飾都唔錯，我地選擇左海鮮火鍋，海鮮份量按人數上菜，其他可以自己挑選！
煲底係鴛鴦煲大嘅， 冬瓜白肉卜卜蜆鍋 同埋花膠螺頭藥膳雞鍋 ，兩個煲底都超足料， 我自己個人呢就畀比較喜歡呢個佈滿蔬菜嘅鍋底， 感覺上除咗健康體健康。
超大個冬瓜係底呀。
仲有其他嘅配菜例如番茄啦洋蔥啦等等。呢個湯底比較清淡唔會影響咗呢個海鮮嘅鮮味。
呢個海鮮呢就係佢配埋嘅， 有貴妃蚌，青口， 大蝦，象拔蚌，扇貝同埋我最鍾意食嘅鮑魚呀! 望落去成大盤感覺上食曬應該都會好飽㗎喇！ 海鮮基本上都好新鮮， 好鮮味，朋友同我都好滿意！
呢個係跟餐嘅配菜， 有各類嘅餃子， 例如呢有韭菜啦水餃雲吞 ，仲有豬肉丸，墨魚丸，又有芝士丸，墨魚釀豆卜，豬肉釀冬菇， 真係超多選擇呀！
我覺得師父包餃子嘅手勢都超得意，每一隻都漲卜卜，我將啲餃子一批批咁樣擺落去咁，就可以每人都試哂咁多隻餃子，味道真係好唔錯。
呢間火鍋店嘅響鈴真係超大條 ，食一條呢都真係已經好飽㗎喇，唔需要再追加嘅 ，有少少油， 不過真係都幾好味嘅。
我仲要咗唔同嘅菜類， 有金菇，娃娃菜同埋唐生菜。 吸收多啲纖維， 平行下食左太多嘅肉類。
飲品仲要係任叫你係鍾意飲咩就有咩好多選擇㗎。
最後呢個甜品心太軟啦 ， 哇好正呀！雖然細細粒 ，但係呢味道真係好唔錯㗎噃！ 送上枱嘅時候呢仲係熱辣辣㗎，正到爆！
呢度嘅環境都好靚 ，坐得好舒服，燈光又明亮 ，燈飾中要好得意，係單車形嘅燈。 食飯唔單只要有美食，更加要環境嘅陪襯，先會食得滋味。
張貼
