Seoulmate Cafe (已搬遷) 新店位置

同朋友一入店，就見到只有4張小枱，的確有少少迫澀，不過已經滿座。正當想走時，店員就叫我地出去露天戈到坐一坐先。一推開門，出面係個小花園，大約有6張枱，地方闊得多，但就熱少少！而戈到都係用木系嘅傢俱，仲有我好中意嘅鞦韆搖搖凳10分鐘左右，店員就話入面有位，所以我地就入去，順手點餐。點完餐，就會比一個機你，當佢響用可以去拎野食喇！飯卷外形似足土耳其嘅doner roll，拎上手熱辣辣，而且卷皮比較軟身，有煙煙軔軔嘅口感！飯同牛肉份量亦好多，塞滿成個卷。但略嫌醬汁少，唔夠惹味！飯卷同朋友一人一半當小食，之後再叫左個"韓式拌飯配黑松露煙三文魚用岩漿蛋"再share。拌飯賣相十足一個蛋糕，底部由青瓜、南瓜蓉而成，中間當然係飯喇！最面就鋪滿煙三文魚同黑松露，真係非常吸睛黑松露香味比較獨特，但同煙三文魚好夾。而且飯比較硬身有咬感，但入面嘅流心岩漿蛋可以令到飯變得濕潤，口感味道都變得豐富！聽聞呢間小店有紫薯拿鐵，我都不禁叫左一杯！雖然紫薯蓉多，但味道淡淡，口感亦有少少似沙冰！若果味道濃郁一啲，會更好！不過我朋友就覺得幾好，因為飲落唔會太甜太膩。我見到廚櫃得返一件"紫薯芝士蛋糕"，我就馬上叫店員留比我。