柳氏家 (已結業)

同朋友喺沙田行街，行到大約八點幾九點幾，肚餓想搵野食，但周圍都好多人排隊等食飯，於是我哋就行咗幾間，由地下行到上上面頂樓，終於見到一間冇咁多人等，又有好似幾好食嘅一間韓國炒雞。餐單價錢有分三種，最平個種就冇得加雞，我哋就揀咗中間嗰款有得無限加雞，仲有75分鐘食，都算足夠嘅。除咗炒雞之外出邊仲有自助bar，有炸雞啦有雞翼有生菜包等等仲有甜品雪糕之類，款式都好多，飲品方面都有好多種，全部都係韓國出品嘅。炒雞方面，份量都好足夠，我哋仲加左芝士，超好味。