食道樂

營業中

休息中

九龍灣食道樂位於觀塘海賓最盡頭，可以收工過黎吹住風放鬆下個人，先再上黎工廈慢慢享用下韓國美食慰勞下自己。店面裝潢簡單，放住好多韓式傳統人像公仔，應該係店內兩個Oppa自己帶番黎，幾特別。石鍋烤牛肉粉絲湯湯底出奇的有陣陣甜味，湯底又有種煮牛肉嘅洋蔥韓式醬汁。鐘意佢係用薄烤牛肉，比較適合用黎餸飯。煎餃子有d去到炸嘅程度，外脆內又滲出肉汁，係韮菜豬肉餡黎！辣炒年糕年糕同平時有唔同，係幼身圓年糕，第一下口感似蒟蒻，之後又有番應有咬口感。唔知係咪低澱粉質個種呢？又唔痴牙咖喎。Oppa們空閒時就會坐出黎傾計，聽唔明但聽到韓文又代入d韓味咁～