哦吧OPPA & POCHA

營業中

休息中

今晚去咗一間由韓國人主理嘅韓式隱世烤肉店食烤肉，餐廳環境都幾舒服，空間大，座位闊落，終於喺香港食嘢，唔使咁逼咁焗促喇！就算好多檯烤緊肉都唔會好大油煙味。讚👍！我哋叫咗濟洲豬肩肉、牛肋條、牛肉石鍋雜錦飯、蛋捲，另外menu內仲有主打嘅韓牛、醬油蟹、炸雞架，款式都好多。餐廳有7款泡菜提供，我最鍾意就係菠菜同醃蘿蔔。濟洲豬肩肉 $180濟洲直送真係唔同啲，色澤均勻，燒脆表面，包住啲肉汁，正！再配埋濟洲魚汁，零舍唔同。牛肋條 $260油脂分布均勻，燒嘅時候，牛肉嘅香氣已經令人流口水，一碟份量都唔少。牛肉石鍋雜錦飯 $108石頭鍋飯好夠熱，放一陣就有飯焦，正！有一支韓式辣醬同一支麻油比我哋拌飯用。蛋捲$88蛋捲配料有甘筍、蔥花，蛋捲質感唔錯，唔會捲到死實實，Like。