影片
更多
2017-06-08
257 瀏覽
旺角韓國燒肉店林立，要突圍而出，必然係平靚正之選。今晚由朋友帶路黎嘅呢間OPPA燒肉店，位置唔算係旺角正中心點，但隔離先達路程都只係幾分鐘。更加估唔到嘅係平日夜晚九點，呢度都座無虛席，咁啱有客人剛剛埋單，我地先好快順利入座。係門外見有個和牛拼盆好似好吸引，不過最終都選揀左馬場洞套餐 ($838+10% service charge)，貪佢乜都有。馬場洞位於韓國首爾，但呢個套餐嘅牛肉，分別有黎自韓國、澳洲同日本。另外仲有黑豚肉、銀雪魚、什至係鵝肝都有，亦都包括韓式炸雞、海鮮年糕，份量豐富，四個人食都好飽。專注研究menu期間，OPPA店員已經好快咁上左三小碟，麥茶同醬料。三小碟包括韓國泡菜、大豆芽同埋海帶，味道唔錯。麥茶係冰涼嘅，下火一流。睇menu見到其他野飲，例如不同嘅生果冰、啤酒、韓國真露等都好吸引。係等緊個爐熱果陣，OPPA繼續好快手咁倒入蛋汁。見我地係度影相，佢更加表演埋「拉蛋汁」，功力深厚。泡菜烤蛋幾時都係至愛，全部人都食唔停口。大部分燒肉都係由OPPA好主動咁親自操刀，我地負責做嘅，就係戴上圍裙等食。第一樣食嘅係澳洲和牛五花。牛五花之所以有呢個名，因為佢係牛嘅肚皮肉，脂肪含
係門外見有個和牛拼盆好似好吸引，不過最終都選揀左馬場洞套餐 ($838+10% service charge)，貪佢乜都有。馬場洞位於韓國首爾，但呢個套餐嘅牛肉，分別有黎自韓國、澳洲同日本。另外仲有黑豚肉、銀雪魚、什至係鵝肝都有，亦都包括韓式炸雞、海鮮年糕，份量豐富，四個人食都好飽。
專注研究menu期間，OPPA店員已經好快咁上左三小碟，麥茶同醬料。三小碟包括韓國泡菜、大豆芽同埋海帶，味道唔錯。麥茶係冰涼嘅，下火一流。睇menu見到其他野飲，例如不同嘅生果冰、啤酒、韓國真露等都好吸引。
係等緊個爐熱果陣，OPPA繼續好快手咁倒入蛋汁。見我地係度影相，佢更加表演埋「拉蛋汁」，功力深厚。泡菜烤蛋幾時都係至愛，全部人都食唔停口。
大部分燒肉都係由OPPA好主動咁親自操刀，我地負責做嘅，就係戴上圍裙等食。
第一樣食嘅係澳洲和牛五花。牛五花之所以有呢個名，因為佢係牛嘅肚皮肉，脂肪含量多，油花漂亮。通常都係食開shabu shabu，但用作燒肉，一樣肉甜味美。
要數最愛嘅肉類，非韓牛脊柳同M9和牛上肩肉莫屬。兩款都係屬於比較有咬口，肉質堅韌有彈性。
其他肉類，例如黑豚肉、牛三角肉同肉眼，包係生菜入面食，再點上醬汁，都配搭得好好。值得一提嘅係呢度嘅醬汁調配得好好味，無論係炸雞嘅韓式辣醬，又或者點肉食嘅(?)蜜糖黑椒醬，都令到每款食物嘅味道更升華。
鵝肝大大舊但軟身，呢度只係分開之後嘅四分一。燒果陣要好有技巧，全靠有OPPA幫忙。
銀雪魚柳係不過不失嘅選擇，肉類始終比較油膩，最後食返個清少少嘅魚柳都唔錯。
炸雞同海鮮年糕富有傳統韓式風味，年糕煮得好淋好入味，味道偏辣。
整體黎講，呢間燒肉店實在令我喜出望外。唔同嘅肉類都有驚喜，亦不失牛味，值得一試。
張貼
