Orange Elephant Thai Restaurant (博文街) (已搬遷) 新店位置

Orange  Elephant  Thai  Restaurant-$1既用處？大角嘴博文街除咗係一條「酒吧街」外，仲係一條「美食街」，岩晒我同fd Happy Hour後去醫肚。飲完野經過Orange Elephant見到餐牌有每日$1優惠，星期三係$1泰式明爐烏頭魚，咁著數緊係要去食。🐻泰式明爐烏頭魚 $1唔好以為$1就求求其其，原條烏頭魚放係爐上慢慢加熱，配上大量蔥、酸菜同菇，味道酸酸地，有d似冬陰公，魚肉質結實又唔腥，點埋酸辣醬就更醒胃。🐻咖哩海鮮脆包盅 $142以農夫包盛載青口、蝦、魚柳等海鮮，麵包焗得好脆，咖哩汁加上蛋花令味道更加香濃，成個麵包都索晒d汁，勁好味。🐻椰青焗海鮮飯 $99份量超大超足料，陣陣椰奶香味，飯亦都煮到粒粒分明。除咗蝦同魷魚，仲有椰肉，食落更加有口感。🐻椰青 $38食泰國菜又點可以唔飲椰青，椰青味道清新又夠凍，我最鍾意一邊刮椰肉食，一邊飲椰青水，完全係雙重享受。