八方雲集鍋貼水餃專門店

營業中

休息中

繼續因為工作而係葵興覓食，今次就到左新葵興商場間八方雲集食OT 飯。基本上呢個商場都冇乜選擇，唔想食美心，就黎食鍋貼～我就簡左個湯麵套餐(HK$44)。湯麵係配有水餃３隻，仲叫左韓式辣味鍋貼同豆漿，勁豐富既一餐，慰勞OT 緊既自己。碗湯麵比我想像中大碗，當初以為會好似麵線套餐咁，好細碗下咁。同埋我唔知道原來有埋水餃食，見到果時都係一個驚喜。咬落個餡料都算多，不過湯底有點咸，不是我杯茶～去親八方雲集，我都會叫呢個韓式辣味鍋貼！貪佢皮薄餡料夠！而且真係一Ｄ都唔辣，唔食辣既都可以接受！仲有杯凍豆漿，冇乜豆味，但唔甜，所以都可以中和番岩岩食左既辣味鍋貼～