嵐石 - 海鮮&牛扒餐廳 (已結業)

赤柱真係一個好正既地方，冇乜人之餘又可以食好西，又有得嘆靚景👍🏻👍🏻呢間餐廳都食過好幾次，今次出左個2人Set，頭盤係好耐未食過既冷盤，凍天食特別有味道😂😂，入面有龍蝦，生蠔，牡丹蝦，三文魚，扇貝，蜆同螺，全部都好新鮮好正😋隻龍蝦蟹鉗啖啖肉🤤之後到個小食拼盤，焗菠菜酥皮卷之前都有食過，佢外層嘅酥皮焗得啱啱好唔會好窿唔會好油，咬落去外脆內軟，啱啱焗好熱辣辣👍🏻👍🏻迷你鴨肝漢堡幾特別，整體個味都OK，因為佢都幾厚，所以係要分兩啖既，男既可能一啖ko，到個風乾火腿，佢配埋個無花果一齊食OK嘅，若果唔係會好鹹😆佢本身跟咗個龍蝦菠菜湯，因為我見冇乜特別同埋個賣相麻麻所以就冇影低，個味還可以啦，唔會好重菠菜味，但佢成碗都係綠色😌之後到個Main，揀左肉眼扒五成熟，佢個肉質唔錯，好有口感，唔會好老乾爭爭，可能係醃製嘅過程裏面做咗幾多功夫😂😂好食，不過啲薯條同個拌碟就麻麻哋食到呢度其實都已經九成飽，佢最尾包左個甜品，係心太軟，好彩係一份，如果唔係我哋都食唔晒😌唔知係咪局耐咗定點，佢入邊冇咩流心其實佢呢度個環境幾好，outdoor望住個海景真係好舒服，得閒經過赤柱都可以嚟呢度試吓👍🏻👍🏻