Stormies

營業中

休息中

朋友生日，揀一間比較清幽嘅bar and Restaurant 飲吓嘢，圓方上面呢個花園實在係不二之選。因為同朋友飲嘢為主，主要係叫咗幾樣小食，全部味道都好好。一坐低就叫咗個炸魷魚餸啤哂，又香又脆，配埋mayonnaise，yummy!飲嘢又點可以冇薯條呢，所以叫咗一盒黑松露薯條，以薯條食家來講，呢一個薯條整得好好，佢除咗有黑松露喺啲醬入面，佢仲另外加咗喺薯條上面，令到黑松露味超出，呢個一百分！飲到咁上下，朋友話有啲肚餓，就叫咗個risotto來試吓，上面啲蟹肉非常足料，真係每一啖都有蟹肉最後叫咗炸雞手指，呢個炸得太乾身，質地就麻麻哋啦！另外， Bartender態度非常麻麻地，唔多理人，呢個係唯一要改善嘅地方。總括嚟講以呢個價錢配呢個質量嘅食物同飲品，我覺得都合理，呢度outdoor環境非常舒適， weekend嚟坐吓實在係不錯的選擇。